________________
सिरिसंतिनाहचरिए
अन्नम्मि दिणे अत्थाणमंडवे सयलनिवइपरियरिओ । जा अच्छइ जियसत्तू सन्निहिओ नाणगब्भेण ||७|| १८२४॥ ताव वरकणय कुंडलघोलिरपरिमदुगंडजुबलिल्लो । सियमुत्ताहलनिम्मियरंखोलिरहारवच्छयलो ||८||१८२५ ॥ वरकडयभूसियभुओ देवंगकूलसंवुयसरीरो । वरकणयलद्विहत्थो पडिहारो झत्ति संपत्तो ॥ ९॥१८२६॥ भूलुलियभालबट्टो कार पणामं पुणो वि विन्नवइ । करकोरयं सिरम्मिं करिऊणं 'देव ! दारम्मि ||१०||१८२७ ॥ करकलियपोत्थयवरो अटुंगनिमित्तजाणओ एगो । देवस्स दंसणसुहं अहिलसई, को इहाऽऽएसो ? ' ॥११॥१८२८ ॥ 'झत्ति पवेसेहि तयं' भणिए रन्ना पवेसए एसो । बद्धाविउं जगणं उवविट्ठो आसणव रम्मि ॥१२॥१८२९॥ पुट्ठो य नरवरेणं 'कहेहि तुह भद्द ! केत्तियं नाणं ?' । सो भणइ 'देव ! जाणामि अटुलोयाण चेट्ठाओ ॥१३॥१८३०॥ लाभमलाभं जीवियमजीवियं सुह-दुहं गमा-ऽऽगमणं । जाणामि णिमित्तेणं, आइसह जमेत्थ कहियव्वं ॥ १४ ॥ १८३१॥ भइ णिवो 'जइ एवं सुहमसुहं वा वि जस्स जं होही । अब्भुयरूवं परिसाए कहसु तं पक्खमज्झम्मि' ।।१५।। १८३२ ॥ परिभाविऊण एसो भइ तओ 'देव ! नाणगब्भस्स । होही मारी सकुडुंबयस्स पक्खस्स मज्झम्मि' ||१६|| १८३३ ॥ तं सोऊणं राया सप्परिसो वज्जताडियसिरो व्व । उट्ठेउं निग्गच्छइ परिसाओ विमणदुम्मणिओ ||१७|| १८३४ ॥ मंती वय नेमित्ति हत्थे गहिऊण जाइ नियगेहे । एगंतगयं सम्माणिऊण परमेण विणण ||१८|| १८३५॥
१. कोंड पा० ॥ २. 'दुगूल' पा० ॥। ३. दृश्यतां चतुर्थं परिशिष्टम् ।।
नाणगब्भस्स कहाणय
२०३
