________________
सिरिसंति- नाहचरिए
मित्ताणंदाईणं कहाणयं
किंतु मडएण तेणं भणियं मह सम्मुहं इमं वयणं । तं सुमरिऊण चित्तं भएण सुण्णत्तणं वहइ' ॥७९॥१८१२॥ बोल्लेइ अमरदत्तो 'न मया कइयावि मित्त ! जंपंति । वंतरकीला एसा किं तु न याणिजए सम्मं ॥८०॥१८१३॥ किं सच्चं चिय एयं? उयाहु हासेण जंपियं तेण? । तहवि हु पुरिसायारो पुरिसेणं होइ कायव्यो' ॥८१॥१८१४। जंपइ मित्ताणंदो ‘न पुरिसयारेण सिज्झए किंपि । दइवायत्ते कज्जे' वयइ तओ अमरदत्तो वि ॥८२॥१८१५॥ 'किं न सुयं अक्खाणं तुमए कइयावि विउसजणकहियं । पुरिसायारस्स फलं, जह जायं नाणगभस्स' ॥८३॥१८१६॥ ५ इयरेण तओ भणियं 'कहेहि अक्खाणयं इमं ताव' । भणइ इमो ‘वक्खेवं वज्जित्तु सुणाहि वरमित्त !' ॥८४॥१८१७॥ “अत्थेत्थ भरहवासे धण-धन्न समिद्धिबंधुरा नयरी । चंपत्ति सुप्पसिद्धा सारिच्छा अलयनयरीए ॥१॥१८१८॥ तं भुंजइ वरराया जियसत्तू नाम दसदिसिपयासो । दरियारिकुंभिकुंभयडपाडणे तिक्खखरणहरो ॥२॥१८१९॥ तस्सऽत्थि नाणगब्भो मंती बुद्धीए विजियगुरुबुद्धी । नीसेसमंतिमंडलपमुहो वित्थरियजसपसरो ॥३॥१८२०॥ तस्स य गुणावलीए भजाए कुच्छिसंभवो जाओ । पुत्तो सुबुद्धिणामो रूवी पच्चक्खमयणो व्व ॥४॥१८२१॥ अन्ने वि अत्थि पुत्ता तीसे विन्नाणगुणगणग्यविया । अह नाणगब्भमंती नीसेसं पालए रजं ॥५॥१८२२॥ जियसत्तमहारन्नो कजम्मि समुजओ सया धणियं । नियमइजियपड़िवक्खो न गणइ दरिए वि पडिसत्तू ॥६॥१८२३॥
२०२
१. समद्धिवं त्रु० विना ।।
