________________
सिरिसंतिनाहचरिए
तो सेट्ठिपुत्त ! गंतुं वंदसु एयं पयाहिणं काउं । वरभत्तिसंपत्तो अप्पाणं कुणसु सुपवित्तं ॥ १९॥१५९७ ॥ जेणेवंविहवरमुणिजणाण पायाण वंदणेणाऽवि । पावखएणं पाणी सुज्झइ इय भन्नइ विऊहिं' ॥२०॥१५९८॥ 'एव भवउ 'त्ति महणो वंदइ पाए मुणिस्स गंतूण । साहू वि झाणजोगं उवसंहरिडं तओ भइ ॥२१॥१५९९ ॥ “नीसेसदुरियदलणो सासयसिवणयरमग्गरहपवरो । तुह होउ धम्मलाभो कम्ममहाकरिघडासीहो" ॥२२॥१६००॥ दिने धम्मला महणो उवविसइ तस्स पयमूले । साहू वि तस्स भावं नाउं पत्थावए धम्मं ||२३|| १६०१ ॥ “भो भव्या ! दुक्खरुक्खे भवसयगहणे कोवदावाणलिल्ले, मायावंसीकुडंगे कलिलभरमहासावयाइण्णमज्झे । माणद्दीरुद्दरूवे मरणकरिवरे लोहखड्डाविहड्डे, दुव्वारुग्गप्पमायप्पसरगिरिणईदुग्गमग्गप्पयारे ॥ १॥१६०२ ॥ वाहीवेयालभीमे जरपसरमहारक्खसीसंपउत्ते, दारिद्दुद्दामवग्धे भयजणयमहामोह कंठीरवाले । संसारासाररण्णे सिवपुरगमणटुाणमूढाण णिचं, पाणीणं सत्थवाहो भवइ य दुलहो देसए जो सुमग्गं ॥२॥१६०३॥ लद्धूणं माणुसत्तं अइसयदुलह चोल्लयाईहिं लोए, दिट्ठतेहिं दसेहिं मुणिगणवइणा भासिएहिं वरेहिं । तेाइम धम्मे सिवसुहजणणे उज्जमो पंडिएणं, कायव्यो होइ जम्हा कुणह य विमलं तं भवंतो वि णिच्चं " ॥३॥१६०४॥ सोऊण इमं मुणिमुहविणिग्गयं हरिसणिब्भरो महणो । भणइ 'मुणीसर ! साहसु मज्झ वि तं सोहणं धम्मं ॥४॥१६०५ ॥ १. दृश्यतां तृतीयं परिशिष्टम् ॥
मच्छोयरस्स पुव्यभववण्णणं
१७७
