________________
मच्छोयरस्स पुव्वभववण्णणं
सिरिसंति- सो तीए समं भोए भत्तऽणुरत्ताए भुंजइ जहिच्छं । न वियाणेइ गयं पि हु कालं देवो व्य निचिंतो ॥८॥१५८६॥ नाहचरिए अन्नम्मि दिणम्मि इमो आरुहिउं रहवरम्मि तुंगम्मि । उज्जाणियानिमित्तं उज्जाणे बच्चइ समित्तो ॥९॥१५८७॥
तत्थ वि पवरपएसे वित्थिण्णो मंडयो विणिम्मविओ । उल्लोयभत्तिचित्तो विमुक्कवरकुसुमओऊलो ॥१०॥१५८८॥ तत्थ य भोजं खज्जं लेज्झं पेयं चउबिहाहारं । भुंजइ सह मित्तेहिं आयमइ तओ कमेणं सो॥११॥१५८९॥ गिण्हित्तु पंचसोगंधियं तु मुहवासयं सुतंबोलं । पेच्छित्तु खणं एग पेच्छणयं लोयणाणदं ॥१२॥१५९०॥
उडित्तु तओ मित्तेहिं संजुओ पेच्छए वरुज्जाणं । बहुपायवसंकिण्णं फुल्ल-प्फलरिद्धिसुसमिद्धं ॥१३॥१५९१॥ * अह एक्कम्मि पएसे सुविवित्ते फासुए मणभिरामे । तस-थावरजीवेहिं विवजिए साहुजणजोगे ॥१४॥१५९२॥
उत्तत्तकणयवण्णं तियसं पिव रूवसंपयसमेयं । पढमवए बटुंत चंदो इव सोमयाकलियं ॥१५॥१५९३॥ + खंती-मुत्तिपहाणं तवतेयसिरीए सुटु दिप्पतं । रत्तासोयतलम्मि सुनिविटुं झाणगयचित्तं ॥१६॥१५९४॥
पेच्छइ य वरमुणिं सो दटुं रूवाइएहिं विम्हइओ । पुच्छइ नियए मित्ते को एसो ?' कहह मह पुरिसो॥१७॥१५९५॥ मित्तेहिं तओ भणियं 'एस मुणी सव्वसंगपरिमुक्को । एगंतम्मि महप्पा धम्मज्झाणं झियाएइ ॥१८॥१५९६॥
१७६
१. लेह जे० । लिजं का०॥
