________________
मच्छोयरस्स पुव्यभववण्णा
सिरिसंति- अह भावेण कलंकइ तं धम्म अंतरंतरा जीवो । तो दुहविमिस्सियाई लहइ सुहाई जहा महणो" ॥३॥१५७५॥ नाहचरिए * कयकरयलंजलिउडो कररुहपरिणितकिरणनियरेण । कब्बुरियसिरोरुहभारभूसिओ भणइ धणनामो॥४॥१५७६॥
'भयवं! को सो महणो? कह वा तेणं कलंकिओ धम्मो? । कह वा दुहमिस्साई सुहाई तेणेह पत्ताई ?' ॥५॥१५७७॥ अह सजलजलहरोरल्लिगहिरणिग्घोसपूरियदियंतो । भयवं धणेण पुट्ठो एवं कहिउं समाढत्तो ॥६॥१५७८॥ "अत्थेत्थ भरहवासे रयणपुरं नाम पुरवरं रम्मं । बहुविहवकलिय-जणनियरसंकुलं तियसनयरं व ॥१॥१५७९॥ तं परिवालइ राया अणेयसामंतपणयपयकमलो । उत्तत्तकणयवण्णो कणयरहो णाम सुपसिद्धो ॥२॥१५८०॥
तस्सऽत्थि रइसरिच्छा देवी कणयप्पह त्ति सुपसिद्धा । सयलंतेउरसारा गुणगणजुत्ता कलाकलिया ॥३॥१५८१। * तीए समं वरभोए भुजंतो कुलकमागयं रजं । नीईए परिपालइ माणिज्जंतो बुंहजणेणं ॥४॥१५८२॥ एतो य तम्मि नयरे सेट्ठी परिवसइ नाम वसुदत्तो । पणइयणपूरियासो गोरव्वो नरवरिंदस्स ॥५॥१५८३॥ तस्स य गुणगणकलिया वसुंधरी नाम अत्थि वरपत्ती । ताणं च सुओ महणो उप्पन्नो गुणकलाकलिओ ॥६॥१५८४॥ नाऊण जोव्वणत्थं समाणकुल-रूव-जोव्वणगुणड्डं । सोमसिरिं नामेणं जणएहिं विवाहिओ कन्नं ॥७॥१५८५॥
१. करयलप पा० ।। २. अत्थित्थ त्रु० ।। ३. बहुज' का० विना ।। .
