________________
सिरिसंतिनाहचरिए
मच्छोयरकहाणयं
तं अचन्भुयचरियं दटुं धणयस्स विम्हिओ राया । चिंतइ “न एयतुल्लो अन्नो पुहईयले अत्थि ॥५२१॥१५५३॥ गुरुपुण्णपभावेणं जाया मह एइणा सम पीई । एसो य एत्थ एगो मह सुय मह पाणदाय त्ति ॥५२२॥१५५४॥ सप्पुरिसचेट्ठियाणं मोल्लं न हु अत्थि जीवलोगम्मि । जम्हा सुपुरिसचेट्ठा लब्भइ न हु दव्यसंखाए ॥५२३॥१५५५॥ को कुणउ ताण मोल्लं सुपुरिसरयणाण एत्थ पुहईए। जाण मणे संकप्पो परकजं चेव नियकज्जं ॥५२४॥१५५६॥ जे नियकजं मोत्तुं कुणंति परकज्जमेव अणुदियहं । किर सुपुरिसाण ताणं को णु समो होउ पुहवीए? ॥५२५॥१५५७॥ भुवणं पि भूसियमिणं सप्पुरिसेहिं न एत्थ संदेहो। तेहिं चिय सुपवित्तं विहियं, किंवा वियप्पेण?"॥५२६॥१५५८॥ इय चिंतिऊण राया निययसुयाओ वि पेच्छए अहियं । जं किर किंचिवि कज्जं कुणइ तयं पुच्छिउंधणयं ॥५२७॥१५५९॥
पंचमरयणस्स पुणो माहप्पं तेसु तेसु डाणेसु । सव्वत्थ चेव पयर्ड पुब्बोइयझगडयाईसु ॥५२८॥१५६०॥ * जं दूरविहडिया वि हु लच्छी धणयस्स पुण वि संघडिया । तं पयर्ड माहप्प लच्छीनिलयस्स रयणस्स ॥५२९॥१५६१॥
जं च मणवंछियाण समत्थवत्थूण होइ संपत्ती । धणयस्स तं पि जाणसु माहप्प लच्छिनिलयस्स ॥५३०॥१५६२॥ एवं जाव बहुकालो वोलीणो ताव पुरवरे तम्मि । विहरंतो संपत्तो सूरी सीलंधरो णाम ॥५३१॥१५६३॥
१७३
* १. कुणइ त्रु० ॥ २. मुल्लं का० ।। ३. किरि का० ॥ ४. सुपुरि त्रु० ।।
