________________
सिरिसंतिनाहचरिए
मच्छोयरकहाणयं
दटुं कुमरसरीरं वेजेणं जंपियं जहा 'देव ! । एस महाजरगहिओ कुणह पयत्तं विसेसेणं ॥४७७॥१५०९॥ किजउ निवायाणे एसो, दारम्मि देह परियच्छि । नीरं तिभायकढियं पाइजउ अइपयत्तेण' ॥४७८॥१५१०॥ मित्ता वि परोप्परयं खूणेऊणं णियंति अन्नोन्नं । राया वि भणइ विजं 'किमेत्तिया चेव इह किरिया?' ॥४७९॥१५११॥ वेज्जेण वि पडिभणियं 'एत्तियमेत्ता परं न जइ देव ! । होइ इमो माणसिओ ता पुच्छह मित्तवग्ग से' ॥४८०॥१५१२॥ रण्णा वि तओ पुट्ठा मित्ता 'किं अत्थि? का वि से चिंता?' मित्तेहिं वि परिकहियं सिरिसेणादरिसणाईयं ॥४८१॥१५१३।। तं सोऊणं राया जंपइ 'जइ एवमे वमिय कजं । तो किं विलंबिएणं, करेमि सुत्थत्तणं सव्वं ॥४८२॥१५१४॥ आइसइ य वरमंतिं जह 'गंतूणं वरेहि त कन्न' । 'आएसो'त्ति भणित्ता बच्चइ मंती वि लहु तत्थ ॥४८३॥१५१५॥ सूरनरिंदो वि तओ दटुं तं मंतिमंडलपहाणं । आगच्छंत मंतिं सहस चिय गोरवं कुणइ ॥४८४॥१५१६॥ जंपइ य 'जेण कज्जेण आगओ तं सि, तं निवेएहि । जेण निवाएसं पिव सव्वं साहेमि अवियप्पं ॥४८५॥१५१७॥ जंपइ य तओ मंती 'जा तुभं अत्थि का वि वरकन्ना । तीए वरणनिमित्तं पटुविओ हं णरेंदेणं ॥४८६॥१५१८॥ ता सा कुमरस्स कए दिजउ जेणं कहेमि रायस्स । अन्नं च रायपुत्तो लद्धो जामाउओ केण?' ॥४८७॥१५१९॥ तं १. य का० ।। २. वेज़ का० ।। ३. किमित्ति जे० त्रु० ।। ४. यमित्ता जे० ॥ ५. व निय जे० का० ।। ६. वरेह त्रु० ।। ७. तुर्भ का वि अत्थि वर° पा० ।। ८. नरिदेणं जे० ॥
१६९
