________________
मच्छोयरकहाणयं
सिरिसंति- तं सोऊणं राया मुच्छाविहलंघलो धरापीढे । पडिओ तं दट्टणं लोगो वि हु दुक्खिओ जाओ ॥४४४॥१४७६॥ नाहचरिए वायाईदाणेण य सत्थीहूओ खणेण नरणाहो । तो धणएणं भणिओ ‘अवलंबसु धीरयं नाह ! ॥४४५॥१४७७॥
सत्थीकरेमि कुमरं खणमेत्तेणं ण एत्थ संदेहो । सिरिचक्केसरिभयवइविदिन्नरयणप्पभावेण' ॥४४६॥१४७८॥ पक्खालिऊण य तओ रयणं सित्तो जलेण निवतणओ । सुत्तो इव णिद्दखए समुढिओ तो वियंभंतो ॥४४७॥७९॥ पुट्ठो य नरवरेणं 'किं बाहइ किंचि एत्थ तुह देहे ' ! सो भणइ 'ताय! न हु किंचि बाहए मह सरीरम्मि' ॥४४८॥१४८०॥ तो हरिसभरावुन्नो आइसइ णिवो ‘करेह रे ! सिग्धं । मह सुयजम्मे व्व ढं बद्धावणयं महारम्म' ॥४४९॥१४८१॥
तेहिं वि तह त्ति' विहियं निवो वि सम्माणिऊण तो धणयं । हरिसभरणिन्भरंगो बच्चइ णिययम्मि भवणम्मि॥४५०॥१४८२॥ * अह अन्नम्मि दिणम्मि मेलित्ता सव्वबंधवे सेट्ठी । गंतूण णिवसमीवे भणइ सुयं 'पुत्त ! साहेह ॥४५१॥१४८३॥
अम्हाणुवरोहेणं विणिग्गएणं इओ तए तइया । जं किंचि समणुभूयं सुहं व दुक्खं व णिस्सेसं' ॥४५२॥१४८४॥ तो भणइ इमो 'जइ ताय ! कोउयं सुणह एगचित्तेणं । जह तुडभेहिं भिडिओ विणिग्गओ जह य गेहाओ॥४५३॥१४८५॥ जह सरवरम्मि पत्तो, जह विद्धो, जह य पक्खिणा नीओ।जह पाडियं सुवणं, रयणाई जह य गहियाई ॥४५४॥१४८६॥
१. "रावीढे का० ।। २. °णप्पहावेण त्रु० विना ।। ३. अणुहूयं त्रु० का० ॥
