________________
सिरिसंतिनाहचरिए
विविहाऽऽउज्जसद्दसंपूरणबहिरियरूंदनहयलं, अविहवविलयनियरसंगिज्जिरमंगलगेयकलयलं । विहवऽणुसारफारसिंगारसमुद्धरजणसमाउलं, बुड्ढयनारिनिवह कीरंतय कोउयसयसुमंगलं ॥४३४॥१४६६॥ इय एरिसए महंत बद्धावणयरसे पवत्तए । अह जं अन्नरसंतरं जायं तं निसुणेह कहंतरं ॥ ४३५॥ १४६७ ॥ तहा यअह कणगरहस्स राहिबस्स उच्छंगसंडिओ कुमरो । चिटुइ लीलायंतो जणयंतो चित्तसंतोसं ॥ ४३६ ॥ १४६८ ॥ सो एक्को चिय पुत्तो तस्स अपुत्तस्स णरवरिंदस्स । एवं अच्छंताणं संपत्तो मालिओ एगो ॥४३७॥ १४६९ ॥ तेण नियपच्छियाओ उद्धरिऊणं सुगंधकुसुमाई । दिन्नाई नरिंदकरे गहियाई तओ य कुमरेणं ॥ ४३८॥१४७०॥ गहिऊण य नासऽग्गे दाऊणं जाव जिंघए ताई । ता कुसुममज्झसंप्रिय अइलहुराइल्लसप्पेण ॥४३९॥१४७१ | अद्दिद्वेणं तेणं दट्ठो कुमरो झडत्ति नासऽग्गे । 'दट्ठो दट्ठोत्ति अहं' पोक्करिंयं तो कुमारेण ॥४४०|| १४७२ ॥ राया विजा णिरुवइ कुसुमाई ताव राइलं सप्पं । णियइ तओ तं दद्धुं सहस च्चिय आउलीहुओ ||४४१॥१४७३॥ भाइ य आसन्नत्थं गारुडियं नरवई जहा 'भद्द ! | कुण विसरहियं कुमरं सिग्धं चिय मा विलंबेहि ' ॥४४२॥१४७४॥ जंपइ तो गारुडिओ 'देव ! इमो राइलो महासप्पो । न हु अम्हाणं विसओ, जम्हा सत्थम्मि पडिसिद्धी' ॥ ४४३ ॥१४७५॥ १. ताणि पा० ।। २. यं ताव कुमरेण त्रु० ॥
मच्छोयरकहाण
१६५
