________________
सिरिसंतिनाहचरिए
किंतु न सामिय! एवं गुज्झं कस्साऽवि पायडेयव्वं । जाव ण सो संपत्तो' भणइ णिवो 'होउ एवं ' ति ॥ ३५३ ॥ १३८५ ॥ अह अन्नम्मि दिणम्मिं पूरियगुरुसिडसमूहरमणीयं । बहुधय- मालवमालं दीसइ आवंतयं वहणं ॥ ३५४ ॥ १३८६ ॥ तं दद्दूणं लोगो उद्घावइ तस्स सम्मुहं झत्ति । पेच्छंताणं च खणेण आगयं जलहितीरम्मि ॥ ३५५॥१३८७॥ संवरिया य वरसिडा णिवाडिया तह य कूवयक्खंभा । जलमज्झम्मि उ णंगरसिलाओ खित्ताओ महईओ ॥ ३५६ ॥१३८८ ।। बद्धाओ पायाओ धरणयप्राणम्मि अह धरेऊणं । उत्तरिओ सत्थाहो सपरियणो देवदत्तो सो ॥३५७॥१३८९ ॥ उत्तारिया य तह तिलयसुंदरी पडउडीओ उवियाओ । उत्तारियं च भंडं संखितं णिवणरेहिं ॥ ३५८ ॥१३९०॥ भरिऊणं रयणाणं वरथालं तिलयसुंदरीसहिओ । संपत्तो विभवणे पविसइ णरणाहऽणुन्नाओ ॥३५९॥१३९१॥ अप्पे पाहु व आसणम्मि दिन्नम्मि । नायं च नरवरेणं “धणयक्खाओ इमो होही ॥ ३६० ॥ १३९२॥ जम्हा पासे एयस्स दीसए का वि सुंदरा बाला । अंगुडिइयवयणा लज्जाभरमंथरसरीरा ॥३६१॥ १३९३॥ तं मन्ने सा एसा होही धणयस्स रूविणी भज्जा" । इय चिंतिऊण राया संभासइ सत्थवाहं तं ।। ३६२ ।। १३९४॥
'तो इह तु ? किंवा वि हु बालिया इमा एत्थ । आणीया ?' इय भणिए सत्थाहो जंपए एवं ॥ ३६३ । १ ३९५॥ 'देव ! कडाहाओ अहं संपत्तो एत्थ ववहरणहेउं । बाला य इमा लद्धा समुद्दमज्झम्मि दीवम्मि || ३६४ || १३९६ ॥
१. लबिमालं त्रु० ॥ २. तो त्रु० विना ।।
मच्छोयरकहाण
१५८
