________________
मच्छोयरकहाणयं
सिरिसंति- लोहविमूढेण मए सामिय ! अइदारुणं इमं विहियं । तं पावपरिणइवसा ममेवमचंतियं जायं ॥३३०॥१३६२॥ नाहचरिएता पसिऊणं सामिय ! खमेह एक्कावराह महमेयं । लोहविमूढा जीवा किं तं जं व कुव्वंति ? ॥३३१॥१३६३॥
*जे ते मह गेहम्मि चिटुंति सुवण्णइट्टसंघाडा । जइ ण वि एवं एवं तो पेच्छसु सामि ! आणे' ॥३३२॥१३६४॥ * इय जंपियम्मि राया मच्छोयरवयणमह पलोएइ । सो वि पयंपइ 'एयं सचं सव्वं णरवरिंद !' ॥३३३॥१३६५॥
पुणरवि संलवइ इमो 'परमत्थं कहसु, मा विलंबेहि । जेण महऽच्छरियमिणं सव्वं पि हु मज्झ पडिहाइ' ॥३३४॥१३६६॥ ५
भणइ इमो 'जइ सव्वं पुच्छसि ता एत्थ पवहणे देव! । मह कणयसंपुडसया अटु सवाया धुवं अत्थि ॥३३५॥१३६७॥ * रयणाणं च सहस्सा पण्णारस दिव्वतेयजुत्ताणं । इय णाऊणं संपइ जे कायव्वं तयं कुणसु' ॥३३६॥१३६८॥
तो रन्ना सत्थाहो भणिओ 'किं भद्द ! सच्चयं एयं?' । भणइ इमो ‘ण हु एवं ओलक्खामी अहं देव !' ॥३३७॥१३६९॥ धणओ वि भणइ 'वरपहु ! मारावइ जं इमेण छम्मेण । ओलक्खाणं एग इमं तहऽन्नं पि अस्थि त्ति ॥३३८॥१३७०॥ जम्हा हु मए सव्ये वि संपुडा ते कया सनामंका' । भणइ णिवो 'जइ एवं किमन्नमेत्तो वि सोहणयं? ॥३३९॥१३७१॥ १० साहेहि किंतु णिययं नामं?' सो भणइ देव ! 'धणओ' त्ति । कोऊहलिओराया भणइ 'णिरूवेमि सयमेव' ॥३४०॥१३७२॥
१. वमत्थतिय पा० का० ।। २. णेय त्रु० विना ।। ३. एवं जे० ।। ४. पुच्छसु पा० ।। ५. इमं त्रु० विना ।। ६. साहेह किं णि पा०।।
