________________
सिरिसंतिनाहचरिए
मच्छोयरकहाणयं
तद्वेण तओ रन्ना भणिओ मच्छोयरो 'जहेयस्स । देहि सयं तंबोलं गंधब्बियरयणभूयस्स ॥३०८॥१३४०॥ *गीयरइस्स' तओ सो तंबोलं जाव देइ दूरत्थो । ता ‘भाइ ! भाइ ! भाइ !' त्ति जंपिरो लग्गए कंडे ॥३०९॥१३४१॥
पदो यणरवरेण 'गंधव्विय ! किं तए इमं विहियं?'। सोहि पयंपइ 'सामिय! एसो मह होइ भाइ त्ति ॥३१०॥१३४२॥ * बहुयाणं दिवसाणं एसो मिलिओ मए य विन्नाओ । एएणं चिंधेणं दाहिणपायट्ठिएणऽज्ज' ॥३११॥१३४३॥
ता सव्वं पि कुटुंब कंडे घेत्तूण रोवियं तस्स । रन्ना वि इमो पुट्ठो 'मच्छोयर ! किं इमं सचं ?' ॥३१२॥१३४४॥ इयरेण वि णियहियए कवडमिणं भाविऊण संलत्तं । 'देव ! इमं एवं चिय सचं नत्थेत्थ संदेहो ॥३१३॥१३४५॥ तो पाउसणहयलमिव रन्ना अंधारियं णियं वयणं । 'हा हा हा ! पावेणं कह मह विट्ठालियं गेहं' ॥३१४॥१३४६॥ कोवायंबिरवयणेण भाणियं रे! इमं विणासेह । वणिओ त्ति भाणिऊणं जेण अहं वंचिओ एवं ॥३१५॥१३४७॥ मच्छोयरो पयंपइ 'नरणायग ! सुणसु एगविण्णत्तिं । पच्छा जं तुह रोयइ तं सव्वं कारवेज्जासि ॥३१६॥१३४८॥ देवेत्थ अम्ह जणओ णरवइगेहेसु आसि विक्खाओ। 'महगायणो' त्ति काउं पावेतो बहुविहपसाए ॥३१७॥१३४९॥ संजाओ तेण इमो अचंतं रिद्धिसमुदयसमिद्धो । तस्स य दो भजाओ ताण य पुत्ता दुवे अम्हे ॥३१८॥१३५०॥
१. पावितो त्रु० का० ॥
