________________
मच्छोयरकहाणयं
सिरिसंति- ता किं इमिणा परिचिंतिएण? चिंतेमि किंचि वि उवायं । जेण अवाएण विणा वच्चइ सो कालपाहुणओ"॥२९५॥१३२७॥ नाहचरिए इय चिंतिऊण तेणं पुट्ठो नयरम्मि कोइ वत्थव्यो । 'थइयाएत्तो एसो किं पुवकमागओ रन्नो ?' ॥२९६॥१३२८॥
- कहियं च तेण 'सत्थाहपुत्त ! एसो न एत्थ वत्थव्वो । किंतु इमाए जुत्तीए आगओ एत्थ नयरम्मि' ॥२९७॥१३२९॥
तं सोऊणं हियए पीयविरेओ व्य आउलीहूओ । एत्थंतरम्मि डोंबो गोरव्वो णरवरेंदस्स ॥२९८॥१३३०॥ ॐ गीयरईणामेणं गंधव्वकलाए सुटु णिम्माओ । सत्थाहस्स समीवे समागओ परियरसमेओ ॥२९९॥१३३१॥
लग्गो य गाइउं सो अह पुरओ तस्स सत्थवाहस्स । गीय-गुण-रूवमाईहिं रंजिओ सत्थवाहो वि ॥३००।१३३२॥ * नियचिंतियस्स परिसिज्झणत्थमाभासए तयं डोंबं । 'किं भद्द ! तुम एत्थं वत्थव्यो, देसिओ अहवा? ॥३०१॥१३३३॥ * किंवा वि हु उल्लावाइगोरवं कुणइ भद्द ! तुह राया ?'। सो भणइ 'देसिओ हं, किंतु मए रंजिओ राया ॥३०२॥१३३४॥
अइगोरवेण पायं सव्वं पि वि जंपए मए समयं । तं सोऊण सुदत्तो देइ पसायं अणन्नसमं ॥३०३।१३३५॥ .
जपेड़ य एगते 'वरमित्तय ! जइ णरेंदपच्चक्खं । जंपसि जहेस भाया सामिय ! मच्छोयरो मज्झ ॥३०४॥१३३६॥ * तो देमि तुज्झ एए सुवण्णइट्टाण संपुडा चउरो' । गीयरई वि हु लोभेण जंपए 'होउ एवं' ति ॥३०५॥१३३७॥
तो दिन्ना संघाडा चउरो इट्टाण सत्थवाहेण । सो वि य ते घेत्तूणं बच्चइ णिययम्मि गेहम्मि ॥३०६॥१३३८॥ पुणरवि णरवइपुरओ जा एसो गाइउं समाढत्तो । सत्थाहो वि हु रन्नो आसन्ने चिटुइ णिविटो ॥३०७॥१३३९॥ १. आसन्नो पा०॥
