________________
सिरिसंतिनाहचरिए
मच्छोयरकहाणयं
SICA
तो "सिस्सामि नरेंद" इय चिंतेउं पयट्टए पुरओ। पुव्वयरभग्गवहणस्स फलहयं लहइ धणओ वि ॥२६०॥१२९२॥ तं सो पहटुमणसो कोमल-सरलाहिं ललियबाहाहिं । दइयाए देहं पिव दटुं परिरंभए सहसा ॥२६१॥१२९३॥ नाऊण दढं फलयं उवरिं आरुहइ परमसंतुट्टो । दइयाए देहं पिव कामियसुहवासणातिसिओ ॥२६२॥१२९४॥ तत्तो ये तयं फलयं उन्भडकल्लोलपेल्लियं संतं । कंडं व धणुविमुक्कं पयट्टए उज्जुमग्गेण ॥२६३॥१२९५॥ एवं वचंतं तं पंचहिं दिवसेहिं लंघिउं जलहिं । बाहिं कणयपुरस्स उ संपत्तं दिव्वजोएण ॥२६४॥१२९६॥ कणयपुरं दटुणं हरिसभरावूरमाणनियहियओ। चिंतइ "दिव्ववसेणं पत्तो हं कणयपुरमेव" ॥२६५॥१२९७॥ तत्तो आणंदभरुच्छलंतरोमंचकंचुइज्जंतो । णयरं पलोययंतो उड्ढमुहो जाइ जा ताव ॥२६६॥१२९८॥ भवियव्ययावसेणं गिलिओ मच्छेण फलहयसमग्गो । पत्तो य विविहजलजलुसपूरिए तस्स उदरम्मि ॥२६७॥१२९९॥ चिंतइ य "हंत ! नरए व्व णिवडिओ कत्थ विहिवसेण अहं । घोरंधयाररूवे ता जिय ! भावेहि तं गाहं ॥२६८॥१३००॥ अहवा वि हु चक्केसरिदिन्नं चिंतेमि तं महारयणं । गुरुआवइपडियं पि हु नित्थारइ जं नरं सहसा" ॥२६९॥१३०१॥ इय चिंतिऊण जा तं चित्ते धारेइ ता तयणुभावा । वेलावसेण मच्छो पत्तो जलहिस्स तीरम्मि ॥२७०॥१३०२॥
१५०
ME१. फलिहय का० विना ।। २. य ते फ° पा० ।। ३. "सवसावू पा० त्रु० ।। ४. "लजतुपू का० ।।
