________________
सिरिसंतिनाहचरिए
मच्छोयरकहाणयं
मयसयजुत्ता जलियाणला य जा सा मसाणभूमि व्य । लंक व्व पवयभजिरसाला सपलासया यत्ति ॥६५॥१०९७॥ त एरिसिं णिएउं अञ्चंत भीसणं महाअडविं । चिंतइ धणओ "हा ! कह कञ्जमिणं परिणयं एवं ॥६६॥१०९८॥ जं किर विहिणा लिहियं इच्चाई जीव ! चिंतसु मणम्मि । जेणऽज्ज इमं सव्वं अणुहवसिद्धं तुहं जायं" ॥६७॥१०९९॥ एवं परिभावेउं जा हिंडइ तत्थ रण्णमज्झम्मि । ता पेच्छइ जलहितडं अपारणीराउलं भीमं ॥६८॥११००॥ अन्भुटुंतं पिव तुंगनीरकल्लोलतणुविहाएण । आलिंगंतं पिव गुरुतरंगबाहाहिं पहियजणं ॥६९॥११०१॥ अग्छतं पिव वेलुच्छलंतसुमहग्घरयणणियरेण । हक्कारंत पिव विविहविहगसद्देहिं अणवरयं ॥७०॥११०२॥ आभासंतं पिव खुब्भमाणजलजलयराण रावेण । तं दटुं छुह-तण्हाहिं पीडिओ जोयइ फलाइं॥७१॥११०३॥ पेच्छइ य एगदेसे किंचि पुरं उव्वसं सडिय-पडियं । खडहडियदेवमंदिरकिंचीदरदिडगभहरं ॥७२॥११०४॥ वणमहिसतिक्खसिंगऽग्गघायसंभग्गवलहियावयवं । वणकरिविसाणपेल्लणणिवडंतकवाडसंपुडयं ॥७३॥११०५॥ कोलउलखणियमोत्थापएसदीसंतणिहिमुहविहायं । घरभित्तिसमुट्ठियविडविणिवहणिवडंतधवलहरं ॥७४|११०६॥ इय एरिसं णियंतो जा गच्छइ ताव तस्स पासम्मि । पेच्छइ वित्थडकूवं जलपुण्णं एगदेसम्मि ॥७५॥११०७॥ उत्तुंग-पडियपायारवेढियं सडियथाणयत्थाणं । अइदुग्गमप्पवेसं पायालतलं व गंभीरं ॥७६॥११०८॥
१. एरिस पा० का० ।। २. पिव णीरतुंगक' पा० ।। ३. "मंदिर किंची का० ।।
