________________
सिरिसंतिनाहचरिए
मच्छोयरकहाणयं
सोऊण तयं वाहो चिंतइ "हा हा ! कयं अकजं ति । जे एस कोवि पहिओ विद्धो बाणेण एत्थ डिओ"॥५४॥१०८६॥ पभणइ य 'कत्थ सुंदर ! विद्धो अंगे अयाणमाणेणं? । मज्झ खमेजसु इण्हि' इय भणिउंकडूढए बाणं ॥५५॥१०८७॥ जाव वणपट्टबंध करेइ ता वारिओ इमेण इमो । ‘मा बंधसु वणपढें रुहिरं णिक्कलउ ताव इमं ॥५६॥१०८८॥ अहमेव पट्टयं पि हु बंधिस्सं, वच्च तं णियं ठाणं' । इय भणिओ सो वाहो जाइ तओ णियाणम्मि ॥५७॥१०८९॥ एसो वि भवसरूवं भावेतो जाव चिटुए तत्थ । ता लोहियगंधेणं भारुडा पक्खिणो पत्ता ॥५८॥१०९०॥ तेहिं वि 'मएल्लओ' त्ति य काऊणुप्पाडिओ सचंचूए । णीओ समुद्दमज्झे मुक्को दीवम्मि अडवीए ॥५९॥१०९१॥ 'खामि' त्ति जा णिरिक्खइ ता जीवंतं तयं णिएऊण । मेल्लइ दयापरिणओ उड्डित्ता जाइ अन्नत्थ ॥६०॥१०९२॥ धणओ वि हु उद्वित्ता जाव पलोएइ सव्यदिसिभाए। ता पेच्छइ तं अडविं भयजणणं तरुवराइण्णं ॥६१॥१०९३॥ अवि यजा य सभीमा अज्जुणजुया य सिरिपंडवाण सेण व्य । सरसयणिचिया खग्गाउला य संगामभूमि व्व ॥६२॥१०९४॥ मत्तगइंदसणाहा पउमासणसोहिया य लच्छि व्व । निसियरपिय ब्व दवमसिमइला सिवरावभीमा य ॥६३॥१०९५॥ १० जिणआण व्व महावयुदुस्संचारा सुसावयजुया य । महणयरि व्व सुसाला दीवियसयसंकुला चेव ॥६४॥१०९६॥
१. व सुभी जे० का०॥
