________________
मच्छोयरकहाणय
सिरिसंति
सुयणचित्तं व अइगहिर-सच्छासयं, अड्ढगेहं व वरलच्छिआवासयं । नाहचरिए
अडविमझं व कमलोहपरिरम्मयं, जइणसमयं व अचंतबहुसावयं ॥४४॥१०७६॥ चक्कवाएहिं णिवमग्गमिव चड्डियं, रायहंसेहिं णिवगेहमिव मंडियं ।
भुयगवयणं व अचंतसुविसालयं, काणणा-ऽऽभोगाणं व सुमहालयं ॥४५॥१०७७॥ ति । त एरिसयं जलासयं पहियजणाण पिवासणासयं । दटुं कुणइ सुमज्जणं धणओ बहुसम-दाहमजणं ॥४६॥१०७८॥
उत्तरिऊणं च तओ बहलदलावरियदीहसाहालं । वडपायवमल्लीणो रएइ पण्णूरसत्थरयं ॥४७॥१०७९॥ * सुमरित्ता गुरु-देवे पुणो वि आवत्तिऊण तं गाहं । सुत्तो खणंतरेणं जा चिटुइ जग्गिरो ताव ॥४८॥१०८०॥
दढकढिणदीहबाहो अचंतुव्बद्धपिडियाजुयलो । मसिणियरसरिसवण्णो सरधणुवरवावडकरग्गो ॥४९॥१०८१॥ हरिणाइघायणरओ वाहजुवाणो तहिं समणुपत्तो । रयणीपारद्धिकए बहलदुमावरियतणुभाओ ॥५०॥१०८२॥ आयड्ढियकोयंडो जलपाणथं समागए सत्ते । जा जोयंतो अच्छइ धणओ उव्यत्तए ताव ॥५१॥१०८३॥ तं सुक्कपत्तसई सोउं वाहेण तस्स सदस्स । मुक्को आयन्नसरो पाए विद्धो इमो तेण ॥५२॥१०८४॥ नाओ य लुद्धएणं विद्धो एसो त्ति णिययलक्खेण । जा जाइ तस्स पासे ता पढइ इमो वि तं गाहं ॥५३॥१०८५॥
*
१. पण्णउरस पा० ।। २. °णुहर पा० ।। ३. उच्चत्तए का० ।। ४. लोद्ध जे० विना ।।
