________________
चउत्थ-पंचमभवग्गहणाई
सिरिसंति- * 'सोऊण तुह मुहाओ णियचरियं पउरटुक्खसंजुत्तं । अचंत मज्झ मणं उब्विग्गं भवसमुद्दाओ ॥२६॥१००३॥ नाहचरिए ता परमेसर ! जम्मण-मरणपरंपरजलोहपुण्णाओ । बहुअसुहवासणाउच्छलंतकल्लोलमालाओ ॥२७॥१००४॥
कोहाइमहागंभीरगरुयपायालकलसकलियाओ । मोहमहावत्ताओ मयणाणलवाडविल्लाओ ॥२८॥१००५॥ बहुरोगजलयराओ विसयमहामयरसंकडिल्लाओ । जर-मरणगयवराओ पुत्त-कलत्ताइगहणाओ ॥२९॥१००६॥ मिच्छत्तपव्वयाओ किं बहुणा ? विविहदुक्खपउराओ । पव्वज्जपवहणेणं उत्तारहि भवसमुद्दाओ' ॥३०॥१००७॥ एवं भणिएण तओ गुरुणा बहुनरवरेंदपरियरिओ । सो असणिघोसराया विहिणा अह दिक्खिओ सम्मं ॥३१॥१००८॥ देवी सयंपभा वि य अणेगणरणाहपंतिसंजुत्ता । बलकेवलिपयमूले पव्वइया णिग्गयजसोहा ॥३२॥१००९॥ तओ अमियतेय-सिरिविजया केवलिं णमिऊण गया णियणियणगरेसु । तत्थ य कयाइ जिणपवरपडिमापूयापगरिसपराणं, कयाइ दीणा-ऽणाहाइदाणपरायणाण, कयाइ साहु-साहुणीपडिलाहणुज्जयाणं, कयाइ सामाइयपोसहपडिवज्जणणिरयाणं, कयाइ जीवदयादिन्नचित्ताणं, कयाइ सच्चवयणभावयाणं, कयाइ परदव्यावहरणदोसचिंतयाणं, कयाइ १० सदारसंतोसगुणपरिभावयाणं, कयाइ अपरिमियपरिग्गहदोसे णिगिण्हंताणं, कयाइ अणिचाइभावणाभावियहिययाणं, नियरज्जधुरमुव्वहंताणं विभागओ विसयसुहमणुहवंताणं वच्चए कालो । अन्नया कयाइ अमियतेयराया जिणभवणसमीवे
१२४
१. णकयव पा० जे० ।। २. दृश्यतां चतुर्थ परिशिष्टम् ।।
