________________
सिरिसंतिनाहचरिए
चउत्थ-पंचमभवग्गहणाई
गयराओ व्व सुदंतो, सुमेहलो पवरजुवइसत्थो व्य । राओ व्व संपुडरिओ, सदीविओ रयणिसमओ व्य ॥९७॥९३७॥ पीयमइरो व्व समओ, सजडो ससिसे हरो व्व णिचं पि । इत्थिजणो व्व सपसवो, सपयंगो दिवससमओ व्व ॥९८॥९३८॥ तत्थऽत्थि रिसहनाहस्स मंदिरं धवलधयवडाइण्णं । रययगिरिकडसन्निहसिहरसमकंतणहविवरं ॥९९॥९३९॥ पुरओ य तस्स सिरिसमवसरणाणम्मि देवणिम्मविओ। धुव्वंतसेयवत्थो गयद्धओ अस्थि उत्तुंगो ॥१००॥९४०॥
तत्थ य पच्चासन्ने पडिमं अह एगराइयं हाइ । अयलबलदेवसामी चोद्दसपुव्वी महाभागो ॥१०१॥९४१॥ * अह तत्थ सुक्कझाणाणलेण णिद्दड्ढघाइकम्मस्स । सासयमयलमणतं उप्पन्नं केवलं नाणं ॥१०२॥९४२॥
केवलिमहिमाहेउं सुराऽसुरा तत्थ झत्ति संपत्ता । भत्तिभरणिभरंगा थोऊणेयं समाढत्ता ॥१०३॥९४३॥ * 'जयतिहुयणेक्कमंगल! जयजयघणघाइकम्मणिद्दलण!।जयतियसा-ऽसुरवंदिय! जयजयभवजलहि-बोहित्थ!॥१०४॥९४४॥
जय जय सिवसुहकारय! जय जय गुरुपावपंकजलवाह!।जय जय तिहुयणउत्तम! जय जय सिरिकेवलि! मुणिंद! ॥१०५॥९४५॥ १० * भवभयभीया अम्हे सामिय! तुह पायसरणमल्लीणा । ता रक्खेहि महायस ! सिवपुरिमज्झम्मि नेऊण' ॥१०६॥९४६॥
एवं थुणमाणे ते द?ण सुरा-ऽसुरे असणिघोसो । णियसरणकारणेणं पयपउमे तस्स अल्लीणो ॥१०७॥९४७॥ १. "हरु व्व जे० ।। २. "मउल" पा० विना ।।
