________________
चउत्थ-पंचमभवग्गहणाई
सिरिसंति- चारणरिसिणो वि तहा समागया तस्स बंदणटाए । अभिणंदण-जगणंदण-जलणजडी-अक्ककित्ती य ॥१०८॥९४८॥ नाहचरिए विमलमइ-पुष्फकेऊपभिईओ केवलिं णमंसित्ता । भत्तिभरभारियंगा उवविट्ठा केवलिसमीवे ॥१०९॥९४९॥
विज्जामुही वि केवलिसरणगयं पासिउं असणिघोसं । सिरिअमियतेयरण्णो कहेइ सव्वं सवित्थारं ॥११०॥९५०॥
एयं च णिसामिऊणं विजामहीमुहविणिग्गयं अचलबलदेवकेवलणाणुप्पत्तिमहिमं हरिसपयरिसाऽऽयूरिज्जमाणमाणसो सजलजलधरधाराणिवायाऽऽहयकयंबकुसुमं व रोमंचियसरीरो [अमियतेओ ?] मारीचिं आणवेइ, जहा- 'तुम
सुतारं देविं घेत्तूण सिग्घमागच्छेज्जासि' त्ति । सयं च सिरिविजयमहारायसयलविजाहराहिवईपरियरिओ महासामग्गीए * भेरिभंकारभरियगयणंगणाऽऽभोगो जय-जयरवाऽऽवूरिजमाणदिसामुहो मण-पवणजइणतरवरविमाणोलिभूसियणहयलो
खणमेत्तेण चेव पत्तो सीमनगं, वंदिया य तत्थ भगवओ जुयाइदेवस्स पसंत-कंतरूवा पडिमा, थोउं चाऽऽढत्तो, अवि य"पणमित्तु पणयतिहुयणपयपउमे तुज्झ जिणपहु ! पहाणे । मइहीणो वि महायस! भणामि तुह चेव थुइमेत्तं ॥१॥९५१॥ कंदप्पसप्पसप्पंतदप्पपरिपेल्लणम्मि पक्खिद ! । दुहदावाणलडझंतदेहिविज्झवणगुरुकंद ! ॥२॥९५२॥ पणयाऽऽखंडलमंडलमोलीविगलंतकमलपडलेण। परिमलियचलणजुयलय ! जिण! मह बिन्नत्तियं सुणसु॥३॥९५३॥
१०
११६
१. परिगतो महा का० ।। २. "तदेहविज्झवणदुहकंद ! त्रु० ।। ३. परिमिलिय" जे० का० ।।
