________________
सिरिसंतिनाहचरिए
चउत्थ-पंचमभवग्गहणाई
अह रुसिउंसिरिविजओ खग्गेणाहणिय कुणइ दोखंडं । जा असणिघोसरायं ता जाया दोन्नि ते सहसा ॥८६॥९२६॥ जा ते वि हु रोसेणं दो खंडइ ताव ते वि चत्तारि । जायाऽसणिघोसणिवा ता ते वि दुहंडए एसो ॥८७॥९२७॥ जायऽटु असणिघोसा, एवं वद्धंति खंडिया संता । किं बहुणा ? जायाइं सयाणि णियअसणिघोसाणं ॥८८॥९२८॥ तो सिरिविजओ राया परिसंतो सुटु ताणि खंडंतो । एत्थंतरम्मि सिद्धा विजा सिरिअमियतेयस्स ॥८९॥२९॥ पत्तो य झत्ति एसो अहिडिओ तीए पवरविजाए । समरंगणम्मि तो तं दट्टणं असणिघोसबलं ॥९०॥९३०॥ केसरिकिसोरयस्स व नटुं सहस त्ति मयगलकुलं व । तं नासंतं दटुं महजालं भणइ एसो वि ॥९१॥९३१॥ 'जह न वि नासइ एवं तह कायव्वं दुयं तए अंब !' । तो तीए मोहियं तं मियतेयं सरणमल्लीणं ॥९२॥९३२॥ राया वि असणिघोसोऽमियतेयं आगयं निएऊण । जा णटो ता भणिया विजा विजामुही तेण ॥९३॥९३३॥ 'दूराओ वि हु एसो आणेयव्यो तए महापायो' । 'एवं'ति होउ विजा पहाविया तस्स पट्टीए ॥९४॥९३४॥ सो तीए परभंतो सरणटाणं कहिंचि अलहंतो । ओयरइ दाहिणऽड्ढे भारहखेत्तस्स मज्झम्मि ॥९५॥९३५॥ तत्थ वि सीमनगवरो अस्थि समुत्तुंगसिहरचिंचइओ । वरणयरं व सुसालो, पुहईणाहो व्व वरकडओ ॥९६॥९३६॥
११४
१. तो जे० ।। २. ओवरइ का० पा० ।। ३. "रचेच जे० का० ।।
