________________
सिरिसंति
नाहचरिए
चउत्थ-पंचमभवग्गहणाई
एवं च ताण दोण्ह वि जुज्झंताणं बलाण अणवरयं । साहावियजुज्झेणं विजाहिं विगप्पिएणं च ॥७५॥९१५॥ समइक्वंतो मासो थोवूणो जाव ताव जुज्झम्मि । निवअसणिघोसकुमरा भग्गा परसेन्नपहरहया ॥७६॥९१६॥
ते भग्गे नाऊणं समुटुिओ असणिघोसनरनाहो । हकंतो वग्गंतो रे ! रे ! रे ! डाह ममहत्तं ॥७७॥९१७॥ *णासेमि जेण दप्पं खणेण तुम्हाण एत्थ, किं बहुणा?'। इय जंपियम्मि कुमरा अभिट्टा तस्स णरवइणो॥७८॥९१८॥
तो तेण दप्पिएणं विज्जाबलसंजुएण हम्मंता । ते अमियतेयकुमरा अभग्गचित्ता वि हु णियत्ता ॥७९॥९१९॥ ते भजंते दटु सिरिविजयणराहिवो सदप्पिटुो । उद्धेइ असणिघोसस्स सम्मुहं रोसतंबऽच्छो ॥८०॥९२०॥ भणइ य र! रे! पाविटु ! दुटु ! णिल्लज्ज ! धिटु ! काउरिस ! । मंबंचिय मह देविं हरमाणो किंन याणासि? ॥८१॥९२१॥
ता जइ सि सुहडवायं उव्वहसि वलाहि तो ममाहुत्तं । जेण समाणेमि लहुं कलत्तरं इमं अज्ज' ॥८२॥९२२॥ * तं सुणिय असणिघोसो जंपइ 'भो! साहु साहु साहु त्ति । जइ जंपियं करिस्ससि तो होसि धुवं तुमं सुहडो' ॥८३॥९२३॥
इय जंपिऊण एसो सिरिविजयणराहिवस्स अभिट्टो । जुज्झंति दो वि सुहडा आरण्णयमत्तहत्थि व्य ॥८४॥९२४॥ वगंति दो वि, गजंति दो वि, पहरंति दो वि आरुढा । वंचंति दो वि पहरे सुर-सिद्धगणेहिं दीसंता ॥८५॥९२५॥
१. बलासि का० जे०।।
