________________
सिरिसंतिनाहचरिए
चउत्थ-पंचमभवग्गहणाई
ता एक्को चिय दंडो अम्हाणं फुरइ एत्थ चित्तम्मि । अहवा वि हु पयडिजउ दूयं संपेसिउं सिग्धं ॥३३॥८७३॥ सामच्छिऊण एवं सव्वेसि सम्मएण मारीची । पटुविओ अइकुसलो दूओ सिक्खविय पुव्युत्तं ॥३४॥८७४॥ गंतूण चमरचंचं तेण वि सो असणिघोसणरणाहो । भणिओ तयं असेसं सो वि तयं जंपए कुविओ ॥३५॥८७५॥ रे! रे ! सिरिविजयभडं वंचित्ता आणिय त्ति अन्नाणा । जं भणियं तं अण्णो को जाणइ एरिसं भणिउं? ॥३६॥८७६॥ रे दूय ! तुज्झ सामी जं जंपइ वंकुडाइं वयणाई । तं किं जमपाहुणओ सिरिविजयसमन्निओ जाही?' ॥३७॥८७७॥ ५, तं सोऊणं दूओ जंपइ कोवेण फुरियअहरोडो । रे पाव ! तुमं चेव य होहिसि कीणासपाहुणओ ॥३८॥८७८॥ जम्हा हु सयणवित्तीए सामपुव्वं पि भाणिओ एवं । जंपसि अईवकडुयं नियसामत्थं अनाऊण' ॥३९॥८७९॥ तो असणिघोसराया कंठे गेण्हाविऊण तं भणइ । 'जं सक्कह कुणह तयं, अप्पेमि न तुम्ह देविं' ति ॥४०॥८८०॥ तो मारीची गंतु सब्बं अत्थाणमंडवे रन्नो । कहइ तयं सोऊणं खुहियं सव्वं पि अत्थाणं ॥४१॥८८१॥ हुंकारो पलयसमो मुक्को अह चंडवेगणरवइणा । पवणजवेण य खग्गे णिवाडिया दारुणा दिट्ठी ॥४२॥८८२॥ जयराएण वि हसियं कोववसाऽऽपूरमाणदिसिविवरं । सीहद्धएण वच्छं परिमुटुं गरुयदप्पाओ ॥४३॥८८३॥ दढवेगेण वि भणियं 'सामिपसायाण णिक्कओ अज्ज' । मायंगेण वि निहया करेण अइणिद्दयं धरणी ॥४४॥८८४॥
१०९
१. गिण्हा जे० ।। २. य त्रु०॥
