________________
चउत्थ-पंचमभवग्गहणाई
सिरिसंति- इय चिंतिऊण भणिया 'वच्छे ! दिन्नो सयंवरो तुज्झ । जो कोइ मणभिरामो सो तत्थ तए वरेयव्वो' ॥४७॥७२९॥ नाहचरिए
वीसज्जिऊण कन्नं हक्कारइ मंतिमंडलं राया । तत्थ पहाणो मंती समागओ विउलमइणामो ॥४८॥७३०॥ बीओ य महामइणामओ त्ति, तइओ सुबुद्धिवरणामो । बुद्धीसागरणामो चउत्थमंती समायाओ ॥४९॥७३१॥
तेहिं समं आलोचिय पेसइ दूयं समत्थराईणं । अक्कक्कित्तिणिवस्स य भणावियं दूयवयणेण ॥५०॥७३२॥ *ह 'तुमए जोइपहाकन्नाए सयंवरम्मि सन्नेज्झं । दायव्वं विजाहरणरिंदसहिएण आगंतु' ॥५१॥७३३॥
अह सो वि हु रोमंचियदेहो पडिवजिऊण तव्वयणं । सम्माणिऊण दूयं पडिपहहुत्तं विसज्जेइ ॥५२॥७३४॥ पेसेड य नियमंतिं केसवपासम्मि विन्नवेजासि । 'देव ! महं धूयाए सुतारनामाए पवराए ॥५३॥७३५॥ तत्थेव य मिलिएसुं समत्थराईसु गुरुपसाएण । वियरह सयंवरं जइ पडिहासइ तुम्ह चित्तस्स' ॥५४॥७३६॥ सचिवेणं विन्नत्ते जंपइ राया इमं 'भवउ एवं' । आगंतु सचिवेणं णिवेइयं अक्ककित्तिस्स ॥५५॥७३७॥ तो सो पहटुमणसो घेत्तुं धूयं तहेव कुमरं च । विजाहरणिवसहिओ संपत्तो पोयणपुरम्मि ॥५६॥७३८॥ पणमेइ रायरायं तेण वि सम्माणिओ नियावासे । आवासिओ तहऽन्ने वि राइणो निययथामेसु ॥५७॥७३९॥
एत्थंतरम्मि रन्ना वित्थिण्णो सजिओ अइसुरम्मो । नयरस्स बाहिरम्मि सयंवरामंडवो तुंगो ॥५८॥७४०॥ अवि य* चामीयरवरखंभविराइउ वरदेवंगवत्थउच्छाइउ । रयणविणिम्मियतोरणसारउ पवणुद्धयधयर्वडिहिं सुतारउ ॥५९॥७४१॥
१. अककित्ति जे० ।। २. इह पा० ।। ३. जोइप्पहक का० ।। ४. एवं पा० ।। ५. अवि य नास्ति पा० ।। ६. "बडेहिं जे० त्रु० ।।
