________________
सिरिसंतिनाहचरिए
ओलंबियसियचामरसोहिउ कयअइउच्चमंचसुपरोहिउ । नाणाविहरूवयसंकिन्नउ णं दियलोयहं सई अवइन्नउ ॥ ६०॥७४२ ॥ एवंवि मंडव विरविणु णामं कई आसणई उवेविणु। कयसम्माण असेस णराहिव तत्थ पवेसिय नं तियसाहिव ॥ ६१ ॥७४३ ॥ तत्तो ते नरनाहा आरुहिऊणं पहाणमंचेसु । णिय-णियणामंकेसुं उवविट्ठा आसणवरे ॥६२॥७४४|| तेसिं च णायगत्ते उवविट्ठा दो वि भायरो तत्थ । बलदेव - वासुदेवा अयल-तिविट्टमहाभागा ॥ ६३ ॥ ७४५ ॥
एत्थंतरम्मि समुद्दवेलाओ व्व सलवणाओ सरसाओ य, चंदमुत्तीओ व्व जणमण-णयणाणंददाइणीओ सोमाओ य, ' पहाणकरडियाओ व्व सुकलाओ फुडऽक्खराऽऽलावाओ य, उत्तममणीओ व्व सुवित्ताओ सुतेयाओ य, पव्वयमेहलाओ व्व सुनियंबाओ सुनयाओ य, कामधेणूओ व्व सुकामयाओ सुवच्छाओ य, सुगुरुमुत्तीओ व्व सुसवणाओ सुसीसाओ य, महाडईओ व्व सुवाहाओ सुमयणाओ य, मंथाणीयाओ व्व सुनेत्ताओ सुसरलाओ य, वरदेवकुलियाओ व्व सुजंघाओ सुपायाओ य, समागयाओ विणिज्जियसयलसुंदरीसोहाओ वरविमाणाणुगारिसिबियारूढाओ दो वि जोइप्पहासुताराओ कन्नयाओ, उत्तरिऊण सिबिगाणं चित्त-साईओ व्व सव्वजणेणं दिस्समाणीओ प्रियाओ सयंवरामंडवमज्झे । १० अवलोइऊण समत्थणरवणो जंपिउमाढत्ता । अवि य
'अहह! अहो! रूवसिरी, अहह ! अहो ! सव्वसारसोहग्गं । अहह ! अहो ! लावण्णं, अहह ! अहो ! दित्ति-कंतीओ ॥६४॥७४६ ॥ अह! अहो ! सो धन्नो को वि णरो होहिई इहं अज्ज । जस्स गले बरमालं खिविहिंति इमाओ सकरेहिं' ॥६५॥७४७॥
१. "विहमं जे० का० ॥ २. महाणई पा० ॥
चउत्थ-पंचमभवग्गहाई
९०
