________________
सिरिसंति
चउत्थ-पंचम भवग्गहणाई
नाहचरिए
अम्हाणं विरुज्झिहिइ, ता किं विजाहरविग्गहेणं कएणं ? इमं चेव मम रोयइ, कीरउ विदियं विजाहरराईण' । एवं च सुयसागरेण भणिए जलणजडी राया सक्कारेऊण मंतिणो विसज्जेइ । सयं च संभिन्नसोयं नेमित्तियं हक्कारेऊण सुहासणवरगयं पयत्तो पुच्छइ- 'अज्ज ! कन्ना पत्तजोव्वणा, किं आसग्गीवस्स देया, अहवा अन्नस्स विजाहरस्स ? सयंवरे वा इच्छियं वरेउ ?' ति । एवं च पुच्छिए जोइसपारओ वियारेऊणं भणइ- 'सुणह, सामि ! जं मए साहूणं सयासे निसामियं, जहा किर भयवं उसभनाहो भरहेण राइणा अट्ठावए समोसरिओ पुच्छिओ, अवि य'परिमुणियसयलतेलोक्क! ताय! मह कहसु केत्तिया अन्ने। होहिंति भरहवासे तुह सरिसा सामि! तित्थयरा? ॥१६॥६७५॥ केत्तियमेत्ता य निवा मह सरिसा ताय ! एत्थ होहिंति?' । इय पुच्छिओ जिणिंदो भणइ 'निसामेहि नरवसह ! ॥१७॥६७६॥ जारिसओ अहमेत्थं जिणणाहो मुणियसयलतेलोक्को । तारिसया तेवीसं होहिंति इहं जिणवरिंदा ॥१८॥६७७॥ जारिसओ तं राया नरवसहो तारिसा इहं अन्ने । एक्कारस रायाणो भरहाहिबई भविस्संति ॥१९॥६७८॥ बलदेव-वासुदेवा नव नव अन्ने इहऽद्धभरहबई । होहिंति नरवरीसर ! तेसिं पडिसत्तुणो नव य ॥२०॥६७९॥ अमुगे अमुगे काले जिणो व चक्की व वासुदेवो वा' । एवं तइया सव्वं अक्खायं उसहणाहेण ॥२१॥६८०॥
१. काळ विना पयतो जे० । पइओ त्रु० ।। २. वइणो पा० ।।
