________________
सिरिसंतिनाहचरिए
“संसारे बहुविहदुहकिलेससयसंकुले असारम्मि । दुक्खेण पावइ जिओ सम्मत्तं सयलसुंहमूलं ॥१॥६६७॥ एयं चिय सम्मत्तं मूलं दुविहस्स होइ धम्मस्स । एएणं पत्तेणं पत्ताइं समत्थसोक्खाई" ॥२॥६६८ ॥
तं च सोऊण सयंपभाए वियलिओ कम्मरासी, समुप्पन्नं सम्मत्तरयणं, पडिवन्नो गिहत्थधम्मो । विहरिया भयबंतो अन्नत्थ । अन्नया य सयंपभाए 'पव्वदिवसो' त्ति पडिवन्नं पोसहं । तप्पारणगे य चेइए बंदिऊण गया पिउणो पायबंदणत्थं, भणिओ य जणओ, - 'ताय ! परमेसरसेस गिण्हह' । तेण वि पणओत्तिमंगेण पडिच्छिया, निवेसिया य सयपभा नियउच्छंगे, निरूविया सव्वंगेसु । चिंतियं च णेण, अवि य
" रुवस्स वि रूवमिमा, लायन्नस्साऽवि परमलावण्णं । कंतीए परमकंती, सोहग्गस्साऽवि सोहग्गं ॥ १० ॥ ६६९ ॥ दित्तीए परमदित्ती, णीसेसगुणाण परमगुणणियरो । किं बहुणा भणिएणं ? सव्वाण वि पगरिसो एसा ॥ ११ ॥६७० ॥ तो को इमीए होही वरसमए अणुगुणो सुभत्तारो ?” । इय चिंतिऊण राया विसज्जए कन्नयं तुट्टो ||१२|| ६७१ ॥ भणिया य जहा 'बच्छे ! पारणयं कुणसु ताव गंतूण' । 'आएसो 'त्ति भणित्ता गंतूणं कुणइ पारणयं ॥१३॥६७२ ॥
राइणा वि हक्कारियं सुरसुयपमुहं मंतिमंडलं । आएसाणंतरमेव समागयं, तेण य समं राया णिविट्ठो मंतमंडवे, भणिया य मंतिणो जहा - 'भो ! णिरूवेह सयंपभाए अणुरूवं वरं,' ति । तओ भणियं सुस्सुएणं, जहा- 'देव ! अत्थि १. दुक्खेहिं पा० विना ।। २. सुयमूलं त्रु० ॥। ३. य पा० ।। ४. तो पा० ।। ५. समं निविडो राया मंतमंडवे, भणियं रातिणा जहा का० ॥
की भी कभी
उत्थ-पंचमभवग्गहणाई
७३
