________________
इंदुसेणबिंदुसेणाणं पच्छायावो
सिरिसंति- ता परिभावह एयं भो भो ! मा होह मोहियमईया । मा राग-दोसवसया पहरह नियएहिं गत्तेहिं ॥१२॥६३७॥ भणियं च
"नवितं कुणइ अमित्तो सुटु वि सुविराहिओ समत्थो वि । जं दो वि अणिग्गहिया करेंति रागो य दोसो य ॥१३॥६३८॥ इहलोए आयासं अयसं च करति गुणविणासं च । पसर्वति य परलोए सारीर-मणोगए दुक्खे ॥१४॥६३९॥ धिंद्धी अहो ! अकजं जं जाणतो वि' राग-दोसेहिं । फलमउलं कडयरस तं चेव निसेवए जीवो ॥१५॥६४०॥ ॐ को दक्खं पावेज्जा ? कस्स व सुक्खेहिं विम्हओ होजा? । को व न लभेज मोक्खं ? राग-द्दोसा जइ ण होज्जा ॥१६॥६४१॥
ता मुयह राग-दोसे, सेयं चिंतेह अप्पणो णिचं । जे तेहिं इच्छह गुणं, तं चुक्कह बहुगुणं पच्छा" ॥१७॥६४२॥ (मरणविभक्तिप्रकीर्णके गा० १९८,२००,२०१,१९७,१९९) * मुंचह एवं जुज्झं संजमजुज्झेण जुज्झहा इण्हिं । तुडभेहिं खलु मोक्खं गंतव्यमिमेहिं देहेहिं" ॥१८॥६४३॥
एवं निसम्म वयण जाया ते दो वि मुक्कसन्नाहा । संभारियपुव्वभवा भणंति 'भोगा अइदुरता ॥१९॥६४४॥ * हा ! मोहियहियएहिं जहा उ अम्हेहिं रागवसएहिं । विसयामिसतिसिएहिं दइओ अप्पा परिचत्तो ॥२०॥६४५॥
जर-मरण-रोगपउरे दुत्तारे भवमहासमुद्दम्मि । हा ! जह मन्ने अप्पा तडाऽऽगओ णेमणे छूढो ॥२१॥६४६॥
१. करति पा० ।। २. धी धी जे० का० ।। ३. य का० ।। ४. रसं पावइ जीवो णिसेवतो ॥ त्रु० विना ।। ५. पुणो का० ।। ६. मूढो जे०॥
