________________
सिरिसंतिनाहचरिए
मंगलकलसकहाणयं
अट्ठाहियाओ काऊणं मंदिरेसु जिणाण उ । संघ सम्माणइत्ताण दीणाईदाणपुवयं ॥८६॥६१६॥ जाइ सूरिस्स पासम्मि मंति-सामंतसंजुओ । तेलोक्कसुंदरीए य लेइ सामन्नमुत्तमं ॥८७॥६१७॥ पढंतो जा सुयस्संतो पत्तो ता सूरिणा निए । पयम्मि विओ संतो बोहिउँ भविए जणे ॥८८।६१८॥ पत्ते पजंतकालम्मि काउं संलेहणं मओ । उप्पन्नो देवलोगम्मि पंचमम्मि महासुरो ॥८९॥६१९॥ तेलोक्कसुंदरऽज्जा वि डाविया सुपवत्तिणी । सा वि सलेहणं काउं सुरो जाया तहिं चिय ॥९०॥६२०॥ दो वि तत्तो चइत्ताणं सोहणे माणुसत्तणे । लद्धण सुंदर जाई विभवाइसमन्नियं ॥९१॥६२१॥ एवं कमेण देवत्तं माणुसत्तं पुणो वरं । पाविउ दो वि जाहिंति मोक्खं दुक्खविमोक्खयं" ॥९२॥६२२॥ __इय सुणिय असेस मज्झ एत्थोवएस, विविहफलसमेयं धम्ममाहप्पमेयं ।
सिरिजिणवरदिटुं धम्मकम्मं विसिटुं, कुणह सिवसुहाणं जं पहाणं निहाणं" ॥९३॥६२३॥
एवं भयवओ वयणाऽमयं सोऊण संबुद्धा बहवे पाणिणो पयट्टा धम्मकरणववसायम्मि । मया वि धम्मकरण- १० वासणाभरभरिजमाणमाणसेण विन्नत्तो- 'भयवं ! किं मए पुव्वभवे णिव्वत्तिय जेण विजाहरभोगाणमाभागी जाओ?' भयवया भणियं- 'सोम ! सुण
१. मोक्खयं ॥ अवि य–इय पा० ।। २. मुणिय जे० पा० ॥
