________________
सिरिसंति- नाहचरिए
मंगलकलसस्स पुव्वभववण्णणं
तो तुमे राय ! जं तइया परदव्वेणुवज्जियं । पुण्णं तस्साणुभावेण परिणीया भाडएणिमा ॥७४॥६०४॥ देवीए वि सहीए जं सम्मुहं आसि भाणियं । तेण कम्मविवागेण एसा सुद्धा वि दूसिया ॥७५॥६०५॥ जं च चित्तं पुणो तीए जंपिऊण विसोहियं । उत्तिन्नं देण एयाए कलंकमइदारुणं ॥७६॥६०६॥ दढव्वएहिं जं सील तुडभेहिं अणुपालियं । तेण अखंडसीलाणं जाओ तुम्हाण संगमो" ॥७७॥६०७॥ एयं सोऊण दोण्हं पि ताण मुच्छा समागया । जायाई वाउदाणेण समासत्थाई दोन्नि वि ॥७८।६०८॥ जपंति 'एवमेयं जं भयवंतेहिं साहियं । विन्नायं जाइसरणाओ पचखं पिव दीसई ॥७९॥६०९॥ अहो ! णु थोवयस्साऽवि दुक्कयस्स इमं फलं । जइ जाय तो णु रज्जम्मि कित्तियं तं भविस्सइ ?' ॥८०॥६१०॥ सूरी वि आह 'भद्दाई ! किं खिजेह णिरत्थयं ? । खयट्ठा सव्वकम्माणं सामन्नमणुपालह' ॥८१॥६११॥ एवं सूरिगिरं सोउं दो वि पंति 'सामिय ! । कुमार विउ रज्जे जयसेहरणामयं ॥८२॥६१२॥ तुम्हाऽऽएस करिस्सामो सव्वदुक्खविमोक्खणं' । सूरी वि आह 'मा तत्थ पडिबंध करिस्सह' ॥८३॥६१३॥ 'इच्छं' ति भाणिउं ताणि गयाणि णियमंदिरे । मंति-सामंतमाईण कहति नियचिंतियं ॥८४॥६१४॥ 'आएसो' त्ति भणित्ताणं ते वि मन्नंति सायरं । राया वि विउं रज्जे कुमार जयसेहरं ॥८५॥६१५॥
*१. केत्तिय जे० का० ।। २. रन्ना त्रु०॥
