________________
सिरिसंतिनाहचरिए
* इंदुसेणबिंदुसेणाणं पुव्वभववण्ण
"अत्थि पच्छिमपोक्खरवरदीवऽद्धे अणेयवाहिणीसयसहस्सपरियरिया उटुंतमहल्ल-कल्लोलमालाउला रंगततरंगभंगरेहिरा अणेयमयर-करि-विसहरविसरपरिसेवियपउरयरसंवरा मच्छ-कच्छ-नक्क-चक्क-पाढीणपीढपउरा महासमुद्दोवमा सीओया णाम महाणई। तीसे दाहिणेणं सलिलावईविजयाऽलंकारभूया अस्थि वीयसोया नाम णयरी, जा यउत्तुंगधवलगयणग्गलग्गपायारपरिगया सहइ । वियडतडनीरपूरियपरिहापरिणद्धपायारा ॥१॥६२४॥ धुव्वंतधवलधयवडमालालंकरियधवलधवलहरा । बारसजोयणदीहा नवजोयणवित्थडा रम्मा ॥२॥६२५॥ जा कणय-रयणसंचयधण-धन्नसमिद्धिबंधुरा धणियं । किं बहुणा भणिएणं? पच्चक्खा तियसणयरि व्व ॥३॥६२६॥ . अस्थि तीए णयरीए पणयबत्तीससहस्सकिरीडबद्धसामंतमउलिमालामलियचलणकमलजुयलो चउसटुिसहस्ससुररमणीसरिसवरतेउरसामी चोद्दसपहाणरयण-नवनिहाणणाहो विणिज्जियसयलविजियदप्पुद्धरनरिंदेवदो रयणज्झओ णाम चक्कवट्टी, अवि यसोलससहस्सजक्खाहिरायरक्खिज्जमाणवरखेत्तो । लायण्ण-रूव-सोहग्ग-कंति-दित्तीहि परियरिओ ॥४॥६२७॥ चुलसीहय-गय-रहसयसहस्सपरिवारिओ सयाकालं । पाइक्कचक्कसेवियपयपउमो खायकित्ती य ॥५॥६२८॥ ___ तस्स दुवे पहाणभारियाओ कणयसिरी-हेममालिणीणामाओ पइणा सह पुण्णसंभारोवणीय पंचप्पयार विसयसुह१. पोक्खरदी पा० का० ॥ २. "हरपरि पा० ।। ३. लामिलिय त्रु० विना ।। ४. दृश्यतां चतुर्थ परिशिष्टम् ।। ५. दविंदो का० ।। ६. खायकित्तीओ का० विना ।।
६४
