________________
0000
नित्थारो वि भविस्सइ । जा पुण एगपक्खनिसेवणा सेसाण अवन्ना व, सा तत्तदसणारओ न जुज्जइ, अओ सबत्थ समदिट्ठीहिं होअबति । तेसिं च हिअए विस्संत-मज्झत्थवयणा एए सनं भणंति । तओ ते पच्चणीअभावमवहाय भद्दया जाया । तहा जे लद्धमिच्छविवरा जायजिणवयणपच्चया ते सुद्धसंमत्तारोवणेण दंसणसावया कया। तहा जे देसविरइजुग्गा ते एगविहाइ पाणाइवावाइविरई गाहिआ ते सवेवि मुणिचंदाणागमणं सोऊणं गुरुभाइणिजा य एसत्ति वंदगा आगच्छति । तत्थ जे अहाभद्दया आगया ताणं पुरो भणिउमाढत्तो-किं तुम्हें धम्माणुहाणं निबहइ ?। तेहिं पि सिटुं-सबदेवपणामाइ तुम्ह गुरुण उवइठं तं निबहइ । तओ भणि-मुनिचंदेण-तुम्हे मम गुरुणा विप्पलद्धा, अप्पा उम्मग्गदेसणाए संसारे पाडिओ, तुम्हे वि मिच्छत्ते थिरीकाउण संसारे पाडिआ। ता न किंचि एरिसेण धम्माणुठाणेण सिज्झइ । तओ ते अहाभद्दया सुट्टअरं पडिनिविट्ठा जाया,
चेइअसाहूणं वाहगा जाया, सुठुअरं पडिनिवेसाओ संसारभायणं च । एवं सो मुणिचंदो बहूजणं असम्भावुब्भावणाहिं | उम्मग्गे पयट्टाविऊण मओ उववन्नो परमाहम्मिअसुरेसु, तओ जलमाणुसत्तं पत्तो, तत्थ य अंतरंडगोलिआकाकजे मारिजिही, संवच्छरं जाव परमघोरदारुणं दुक्ख विसहमाणो उम्मग्गदेसणागुरुअहिक्खेवपरमाहम्मि
अकयदारुणकम्मप्पभावओ पुणो पुणो जाव सत्तवाराओ तत्थ उववन्जिही, अंतरान्तरा नरगं गच्छिहिइ, पुणो पुणो तेण विहिणा रयणदीवमणुएहिं संवच्छरेण जंतपीसणविहाणेण ववरोविजिहित्ति । एवं महादुक्खमणुभवित्ताणं नरयनरतिरिअकुदेवगईसंकुलमणतं संसारं भमिहित्ति । अतश्च अविहिदेसणाए न अभिमुहजणो
0000000000
Jain Education Inte
For Private & Personal Use Only
rebryong
