________________
उत्तराध्य.
सम्यक्त्व
बृहद्धृत्तिः
पराक्रमा.
॥५७४॥
चउवीसत्थएणं भंते ! जीवे किं जणेइ ?, २ दंसणविसोहिं जणइ ९ ॥ वंदणएणं भंते! जीवे किं जणेइ ?,२ नीयागोयं कम्मं खवेइ उच्चागोयं निबंधइ सोहग्गं च णं अप्पडिहयं आणाफलं निवत्तेइ दाहिणभावं च णं जणेइ १०॥ पडिक्कमणेणं भंते ! जीवे किं जणेइ ?, २ वयछिद्दाई पिहेइ, पिहियवयछिद्दे पुण जीवे निरुदासवे असबलचरित्ते अट्ठसु पवयणमायासु उवउत्ते अपुहुत्ते सुप्पणिहिए विहरइ ११ ॥ काउस्सग्गेणं भंते! जीवे किं जणेइ ?, २ तीयपडुपन्नं पायच्छित्तं विसोहेइ, विसुद्धपायच्छित्ते य जीवे निव्वुयहियए ओहरियभरुव्व भारवहे धम्मज्झाणोवगए सुहं सुहेणं विहरइ १२॥ पचक्खाणेणं भंते! जीवे किंजणेइ?, २ आसवदाराई निरंभइ १३ ॥ थयथुइमंगलेणं भंते! जीवे किं जणेइ , २ नाणदंसणचरित्तबोहिलाभ संजणइ,नाणदंसणचरित्तबोहिलाभसंपन्ने णं जीवे अंतकिरियं कप्पविमाणोववत्तियं आराहणं आराहेइ१४॥ कालपडिलेहणाए णं भंते! जीवे किं जणेइ ?, नाणावरणिज्जं कम्मं खवेइ १५ ॥ पायच्छित्तकरणेणं भंते! जीवे किं जणेइ?, २ पावकम्मविसोहिं जणेइ निरइयारे आविभवइ सम्मं च णं पायच्छित्तं पडिवजमाणे मग्गं च मग्गफलं च विसोहेइ आयारं आयारफलं च आराहेइ १६॥ खमावणयाए णं भंते ! जीवे किं जणेइ , २ पल्हायणभावं जणेइ, पल्हायणभावमुवगए य सव्वपाणभूयजीवसत्तेसु मित्तीभावं उप्पाएइ, मित्तीभावमुवगए य जीवे भावविसोहिं काऊण निभए भवइ १७ ॥ सज्झाएणं भंते ! जीवे किं जणेइ , २ नाणावरणिज कम्मं खवेइ १८ ॥ वायणयाए णं भंते ! जीवे किं जणेइ ?, २
॥५७४॥
Jain Education Intem
For Private Personal Use Only
wwgainelibrary.org
