________________
Jain Education
दुहा काऊण तेसिं दोण्हवि सो दिन्नो, ते खाइडमारद्धा, जाव विसवेगा आगंतुं पवत्ता, राइणा संभंतेण वेज्जा सद्दाविता, सुवण्णं पाइया, सजा जाया, दासी सद्दाविया, पुच्छिया भणइ-न केणवि दिट्ठो, नवरमेयाणं मायाए परामुट्ठो, सा सद्दाविया, नाया जहा एसा कारित्ति, ताहे अंबाडिया, भणिया य- जहा पावे! तया नेच्छसि रजं दिज्जंतं, इयाणिमहं अकयपरलोगसंबलो संसारे छूढो होतोत्ति, ततो तेसिं रज्जं दाऊण पवइतो ॥ अण्णया संघाडतो साहूण उज्जेणीतो आगतो, सो पुच्छितोतत्थ निरुवसग्गं ?, ते भणंति-निरुवसग्गं, नवरं रायपुत्तो पुरोहियपुत्तो य बाहेति पाखंडत्थे साहुणो य, ततो सागरचंदमुणी अमरिसेणं तत्थ गतो, साहूहिं विस्सामितो, ते य साहू संभोइया, तेहिं भिक्खावेलाए भणितो- आणिजउ, सो भणइ-अहं अत्तलाभितो, नवरं ठवणकुलाणि साहह, तेहिं से चेल्लतो दिन्नो, सो तं पुरोहियघरं दंसित्ता आगतो, इमोऽवि तत्थेव पविट्ठो, वड्डेणं सद्देणं धम्मलाभेइ, अंतेउरियातो निग्गयातो हाहाकारं करेंतीतो, सो वड्डवड्डुसद्देणं भणइ - किं एवं साविए ! इति ?, ते निग्गया बाहिं, बारं बंधंति, पच्छा भणति-नञ्चसु, सो पडिग्गहं ठवित्ता पणच्चितो, ते न याणंति वाएउं, भणंति- जुज्झामो, दोsवि एकसराए आगया, मम्मेसु आया, जहा जंताणि तहा खलखलाविया, ततो निसर्दु हणिऊण वाराणि उग्घाडित्ता गतो, उज्जाणे अच्छइ, राइणो कहियं, तेण मग्गावितो, साहू भांति - पाहुणतो आगतो, न याणामो, गवेसंतेहिं उज्जाणे दिट्ठो, राया आगतो, तेण खामितो, नेच्छइ मोत्तुं, जइ पचयंति तो मुयामि, ताहे पुच्छिया, पडिस्सुयं, ततो एगस्थ गहाय चालिया, जहा सहाणे ठिया संधिणो, लोयं काऊण पञ्चाविया, रायपुत्तो सम्मं करेइ-मम पित्तिउत्ति, पुरोहियसुतो दुर्गुछइ, अम्हे एएण कवडेण पद्याविया, दोवि मरिऊण देवलोगं गया, संगारं करेंति, संगारो नाम सङ्केतः,
For Private & Personal Use Only
lainelibrary.org
