________________
जाणियं-जोग्गो, न एस विप्परिणमइत्ति, पच्छा चंदगुत्तो छुहाइतो, चाणक्को तं ठवित्ता भत्तस्स अतिगतो, बीहेइ य-मा एत्थ नजेजामो, डोंडस्स बाहिं निग्गयस्स पोट्टे अप्फुरियं दिटुं, सो पुच्छिओ-कत्थ भोयणं लब्भति ?, तेण भणियं-अमुगत्थ, ४ इयाणिं चेव दहिकूर जिमिय आगतो, ततोऽणेण तस्स छुरियाए पोट्टं फालियं, दधिकूरं गहाय आगतो, जिमितो दारगो,
अन्नया अन्नत्थ गामे रत्तिं समुदाणेइ, थेरीए पुत्तभंडाणं वेवली परिवेसिया, एक्केण मज्झे हत्थो छूढो, दद्धो रोयति, ताए भण्णइ-तुम चाणक्कमंगलो, पढमं चेव हत्थं मज्झे छुहसि, पढमं पासाणि धिप्पंति, पच्छा मज्झभागो, चाणकस्स उवगयं, गतो हिमवंतकूडं, तत्थ पबयगो राया, तेण समं मित्तया जाया,भणइ-नंदं ओयवित्ता समं समेण रजं विभजामो, चलिया, देसं लूडंता एंति, एगत्थ नगरं न पडइ, पविट्ठो तिदंडी चाणक्को, वत्थूणि जोएइ, इंदकुमारियातो दिहातो, तासिंतणएण पभावेण न पडइ, नियडीए नीयावियातो,पडियं नगरं, गया, पाडलिपुत्तं रोहियं, नंदो धम्मबारं मग्गइ, चाणकेण भणियं
एगेण रहेण जं तरसि तं नीणेहि, दो भज्जातो एग कण्णगं दवं च नीणेइ, कन्ना चंदगुत्तं पलोएइ, भणिया-जाहित्ति, है तीए चंदगुत्तरहं विलग्गंतीए नव अरगा रहस्स भग्गा, चंदगुत्तेण वारिया, चाणको भणइ-मा वारेह, नव पुरिसजुगाणि
तव वंसो होइ, अतिगदो, दो भागीकयं रजं ॥ एगा कण्णगा, कयगविसभाविया, तत्थ पचयगस्स इच्छा जाया, सा तस्स दिन्ना, अग्गिपरियंचणे विसपरिगतो मरिउमारद्धो, भणइ-वयंस! मरिजइ, चंदगुत्तो विसं रंभामित्ति ववसितो, चाणक्केण भिउडी कया, नियत्तो, स मतो, दोवि रजाणि तस्स जायाणि ॥ नंदमणूसा चोरियाए जीवंति, ततो चाणको चोरग्गाहं मग्गइ, अण्णया बाहिरियाए गतो, तत्थ एगस्स नलदामस्स पुत्तो मक्कोडएण खइतो, तेण आरडियं, पहाविओ नलदामो,
KACACACACREAUCRACACACASS
JainEducational
For Private Personal Use Only
P
inelibrary.org
