________________
SHAH
असरीरदव्वज्झवणा । से किं तं जाणयसरीरभविअसरीरवइरित्ता दव्वज्झवणा ?, २ जहा जाणयसरीरभविअसरीरवइरित्ते दवाए तहा भाणिअव्वा, जाव से तं मीसिआ, से तं लोगुत्तरिआ, से तं जाणयसरीरभविअसरीरवइरित्ता दवज्झवणा, से तं नोआगमओ दव्वज्झवणा, से तं दव्वज्झवणा । से किं तं भावज्झवणा ?, २ दुविहा पण्णत्ता, तंजहा-आगमओ अ णोआगमओ अ । से किं तं आगमओ भावज्झवणा?, २ जाणए उवउत्ते, से तं आगमओ भावज्झवणा। से किं तं णोआगमओ भावज्झवणा?, २ दुविहा पण्णत्ता, तंजहा-पसत्था य अपसत्था य । से किं तं पसस्था?, २ तिविहा पण्णत्ता, तंजहा-नाणज्झवणा दंसणज्झवणा चरित्तज्झवणा, से तं पसत्था । से किं तं अपसत्था?, २ चउव्विहा पण्णत्ता, तंजहा-कोहज्झवणा माणज्झवणा मायज्झवणा लोहज्झवणा, से तं अपसत्था । से तं नोआगमओ भावज्झवणा, से तं भावज्झवणा, से तं झवणा, से तं ओहनिप्फण्णे।
Jain Education interion
For Private & Personal Use Only
jainelibrary.org
