________________
Jain Education Inte
यबो, लट्ठीए आदिभागो, समुग्गकस्स बारमिति, केणइ ताणि न नायाणि, रन्ना पालित्ता आयरिया सद्दाविया, तुज्झे जाणह भयवंति ?, भणंति-वाढं जाणामि, सुतं उण्होदए छूटं, मयणं विरायं, दिट्ठाणि अग्गिलगाणि, दंडो पाणिए छूढो, मूलं गुरुगं, समुग्गको जउणा घोलितो, उण्होदए कहितो उग्घाडितो, ततो पुणोऽवि पालित्तायरिएहिं दोद्धियं सगलगं राइलेऊण तत्थ रयणाणि छूढाणि, ततो तेणगसिधिणीए सीवेऊण विसज्जियं, अभिदंता फोडेह, न सक्कियं, पालित्तायरियाणं वेणइगी बुद्धी ९ ॥ 'अगए' इति, एगो राया, तस्स नगरं गहेउं परबलं एइ, रण्णा पाणियाणि विंणासियवाणित्ति विसकरो पाडितो, पुंजा विसस्स कता, विज्जो एगो ( धोवेण विसेण उवट्ठिओ) राया थोवं दट्ठूण रुट्ठो, वेजो भणइ-सयस हस्सवेधी एयं विसं, नो थोवं, राया भणइ कहं ?, ततो खीणाऊ हत्थी आणावितो, पुच्छवालो उप्पाडितो, तेण चेव रोमकूवेण | विसं दिन्नं, विवन्नं सरीरं करेंतं गच्छंतं च दीसइ, एस सबो विसं, जोवि एयं खाइ सोवि विसं, एवं सयस हस्सवेही, राया भणइ - अस्थि निवारणविही, बाढं अत्थि, तहेव अगदो दिन्नो, तं समेंतो जाइ, वेज्जस्स वेणइगी १० ॥ रहियो गणिया य एक्कं उदाहरणं, पाडलिपुत्ते नयरे दो गणियातो- कोसा उवकोसा य, कोसाए समं थूलभद्दसामी अच्छितो आसि, पबइतो, जाव वरिसारतो तत्थेव कतो, ततो साविया, पञ्च्चक्खाइ अवंभस्स अन्नत्थ रायनिओएणं, रहिएण राया आराहितो, सा कोसा तस्स दिन्ना, सा य थूलभद्दसामिणो अभिक्खणं गुणग्गहं करेइ, तं न तहा उवचरइ, सो तीए अप्पणो विन्नाणं दरिसेउकामो असोगवणियं नेइ, भूमीगएणं अंबलंबी कंडेण विधित्ता कंडपोंखे अन्नोन्नं कंडं लाएंतेण हत्थग्भासं कंडसंतई ( पाविय) अंबलुंची अद्धचंदेण छिन्ना गहिया य, तदृवि न तूसति, भणइ - किं सिक्खियस्स दुक्करं ?, सा भणइ-पेच्छ ममंति, सिद्ध
For Private & Personal Use Only
www.jainelibrary.org
