________________
Jain Education International
स्स जिन्भा छिण्णा, रण्णो उप्पत्तिया बुद्धी १८ । 'अंके' त्ति, एगो पुरोहितो निक्लेवे वेत्तूण सबेसिं अप्पप्पणो समप्पेइ, उच्छलितो साहुवादो, अन्नया एगेण दमगेण निमि (सि) त्तं, ततो तेण पुरोहिएण सो नउलतो लंछिऊण उस्सिवित्ता कूंडरू - वगाण भरितो, तहेव सिवितो, आगयस्स समप्पितो, सा मुद्दा उग्घाडिया, कूडरूत्रगा दिट्ठा, राउले ववहारो जातो, कारणिगेहिं दमगो पुच्छितो- कित्तियं आसि ?, सहस्सं, गणिऊण भरिओ तहा ताडीओ जहा न तीरइ सिधेउं, ततो रण्णो निवेइयं, रण्णा पुरोहितो दंडिओ, कारणियाण उप्पत्तिया बुद्धी १९ । 'पणयति', तहेव एगेण दमगेण पुरोहियस्स पणा छोढूण नउलतो निक्खित्तो, आगयस्स कूडपणे छोढूण दिण्णा, दिट्ठा पणा, राउले ववहारो जातो, कारणिगेहिं पुच्छियं-को कालो आसि ?, दमगेण भणियं अमुगो, अहुणत्तणा पणा, सो चिराणतो कालो, तम्हा कूडमेयं, ततो रण्णो निवेदितं, दंडितो पुरोहितो, कारणिगाण उप्पत्तिया बुद्धी २० । 'भिक्खु'त्ति, एगेण दमगेण भिक्खुसगासे निक्खेवगो मुको, सो आगयस्स तं निक्खेवं न देइ, तेण जूयारा ओलग्गिया, तेहिं पुच्छिएण सन्भावो कहितो, ततो ते रचपडवेसेण भिक्खुसगासं गया, सुवण्णस्स खोडीतो गहाय, अम्हे वच्चामो चिइयवंदगा, एयातो सुवण्णखोडीतो अच्छंतु, एयंमि | अंतरे सो दमगो पुवसंकेतितो समागतो, मग्गियं, ततो भिक्खुगेणं चिंतियं - जइ न देमि तो एएसिमप्पच्चतो होहिइत्ति | लोलयाए दिनं, जुआरेहिं भणियं -अन्नेऽवि भिक्खू एंतगा सुबंति तो समुदाएण निक्खिविस्सामति भणिऊण निग्गया, जूयकारण उप्पत्तिया बुद्धी २१ । 'चेडगनिहाणे' त्ति, दो मित्ता, तेहिं निहाणगं दिट्ठ, एगेण भणियं-कल्ले सुनक्खत्ते गिव्हि स्सामो, ततो रतिं हरिऊण इंगाला छूढा, बीयदिवसे दोवि समगं गया, इंगाले पेच्छंति, सो धुतो भणइ - अहो ! मंदपुन्ना
For Private & Personal Use Only
www.jainelibrary.org
