________________
ROACROSSAGE
जो जस्स पडो सो तस्स दिनो, अन्ने भणंति-दोण्हपि सीसाणि ओलिहावियाणि, जस्स उण्णामओ पडो तस्स उण्णातंतू विणिग्गया, जस्स सोत्तिओ तस्स सुत्ततंतू, ततो जो जस्स सो तस्स समप्पितो, 'कारणियाणमुप्पत्तिया बुद्धी ५। 'सरड'त्ति एगो पुरिसो सन्नं वोसिरइ, तस्स सण्णं वोसिरंतस्स सरडाणं परोप्परं भंडताण एगो सरडो अहिट्ठाणस्स हिट्ठा |बिलं पविट्ठो, पुच्छेण य छिको, घरं गतो, अद्धितीए दुबलो जातो, मम उदरे सरडो पविट्ठोत्ति, वेजो पुच्छितो, जइ | सयं रूवगाणं देह तो पगुणीकरोमि, मन्नियं, विजेण घडए सरडो छढो लक्खाए विलिंपितो, विरेयणं दिन्नं, घडगो ठाविओ, सन्ना वोसिरिया, दिट्ठो तडफडतो, सो जातो लट्ठीभूतो, विजस्स उप्पत्तिया बुद्धी ॥ बिइयं सरडोदाहरणं-मिक्खुणा खुड़गो पुच्छिओ-एस किं सीसं चालेइ, सो भणइ-किं भिक्खू भिक्खुणी वा, खुडुगस्स उप्पत्तिया बुद्धी ६॥ 'कागति, तच्चणिएण चेल्लतो पुच्छितो-अरिहंता सबण्णू !, चेल्लतो भणइ-बाढं, कित्तिया इहं कागा?, सर्हि कागसहस्सा जाई वेण्णातडे परिवसंति । जइ उणगा पवसिया अब्भहिया पाहुणा आया ॥१॥ खुड्डुगस्स उप्पत्तिया बुद्धी ॥ विइयं कागोदाहरणं-एगो वाणियओ, तेण वाहिं गएण निही दिट्ठो, तेण चिंतियं-मम घरे महिला पहाणा, सा रहस्सं धरेइ नवेति परिक्खेमि, ततो घरमागतो भणइ-पंडरगो मे कागो अहिट्ठाणं पविट्ठो, तीए सयज्झियाण कहियं, ताहिं नियभत्ताराणं जाव रायाए सुअं, ततो राइणा सिट्ठी हक्कारावितो, पुच्छियं, कहियं जहावडियं, तुट्ठो राया, दिण्णं निहाणं, मंती कतो, एयस्स उप्पत्तिया बुद्धी । 'उच्चारे'त्ति एगस्स घिजाइयस्स तरुणी भज्जा, गामंदरं निजमाणा अंतरा धुत्तेण समं संपलग्गा, ततो तेसिं दोण्हंपि कलहो जातो, घिजाइओ भणइ-मे भज्जा, इयरो भणइ-मम, सा पुच्छिया, धुचं भचारं
Jain Education International
For Private & Personal use only
www.jainelibrary.org
