________________
तेणं वइरामयलट्ठसंठियजावजोयणसहस्समूसिएण महइमहालएणं महिंदज्झएणं पुरतो पकडिजमाणेणं पकहिजमाणेणं | चउरासीए सामाणियसाहस्सीहिं जाव चरहिं चउरासीहिं आयरक्खदेवसाहस्सीहिं अन्नेहिं बहहिं सोहम्मकप्पवासीहिं वेमाणिएहिं देवेहिं देवीहि य सद्धिं संपरिवुडे सबड्डीए सबजुईए जाव संखपणवजावनादितरवेणं सोहम्मकप्पस्स मझमज्झेणं तं दिवं देवढि दिवं देवजुइं दिवंदेवाणुभावं उवदंसेमाणे पडिजागरेमाणे जेणेव सोहम्मस्स कप्पस्स उत्तरिले निजाणमग्गे तेणेव उवागच्छइ उवागच्छित्ता जोयणसयसाहस्सिएहिं विग्गहेहिं ओवयमाणे ताए उक्किट्ठाए जाव दिबाए देवगतीए तिरियमसंखेजाणं दीवसमुदाणं मझमज्झेणं विइवयमाणे विइवयमाणे जेणेव नंदीसरे दीवे जेणेव पुरथिमिल्ले रइकरपथए तेणेव उवागच्छइ उवागच्छित्ता तं दिवं देवद्धिं जाव दिवं देवाणुभावं पडिसाहरेमाणे जेणेव जंबुद्दीव दीवे जेणेव । भारहे वासे जेणेव भगवतो आदितित्थगरस्स जम्मणभवणे तेणेव उवागच्छइ उवागच्छित्ता भगवतो आदितित्थयरस्स जम्मणभवणं तेणं दिवेणं जाणविमाणेणं तिक्खुत्तो आयाहिणपयाहिणं करेइ, करेत्ता भगवतो आदितित्थगरस्त जम्मणभवणस्स उत्तरपुरथिमिल्ले दिसीभागे चउरंगुलभसंपत्तं धरणितलंसि तं दिवं जाणविमाणं ठवेइ ठवित्ता अग्गमहिसीहिं| दोहिं य अणीएहि, तंजहा-ांधवाणीएण नहाणीएण य, सद्धिं संपरिबुडे ततो दिबातो जाणविमाणातो पुरथिमिल्लेणं तिसोवाणपडिरूवेणं पचोरुहइ, तए णं सक्कस्स देविंदस्स देवरण्णो चउरासीए सामाणियसाहस्सीतो ततो दिवातो जाणविमाणातो उत्तरिल्लेणं तिसोवाणपडिरूवेणं पच्चोरुहंति, अवसेसा देवा य देवीतो य ततो दिवातो जाणविमाणातो दाहिणिल्लेणं तिसोवाणपडिरूवेणं पञ्चोरुहंति, ततेणं सके देविंदे देवराया चउरासीए सामाणियसाहस्सीहिं जाव चाहिं
Jain Education Inter
For Private & Personal use only
Vijainelibrary.org
