________________
एवमाहिज्जंति, तंजहा-अम्मापिउसंतिए वद्धमाणे, सहसम्मुइयाए समणे, अयले भयभेरवाणं परीसहोवसग्गाणं खंतिखमे [पडिमाणं पालगे] धीमं अरतिरतिसहे दविए वीरियसंपन्ने देवेहिं से णामं कयं 'समणे भगवं महावीरे' ॥१०४॥ ___ समणस्स णं भगवओ महावीरस्स पिया कासवगोत्तेणं, तस्स णं ततो नामधिज्जा एवमाहिज्जंति, तंजहा-सिद्धत्थे इ वा, सेज्जंसे इ वा, जसंसे इ वा ॥१०५॥ समणस्स णं भगवओ महावीरस्स माया वासिट्ठी गोत्तेणं, तीसे तओ नामधिज्जा एवमाहिज्जंति, तंजहातिसला इ वा, विदेहदिण्णा इ वा, पियकारिणी इ वा ॥१०६॥ ___समणस्स णं भगवओ महावीरस्स पितिज्जे सुपासे, जे? भाया नंदिवद्धणे, भगिणी सुदंसणा, भारिया जसोया कोडिन्ना गोत्तेणं ॥१०७॥
plus
कल्पसूत्र १५८
Jain Education International
For Private & Personal Use Only
www.jainelibrary.org
