________________
से वि य णं दारए उम्मुक्कबालभावे विण्णायपरिणयमित्ते जुव्वणगमणुप्पत्ते सूरे वीरे विक्कंते विच्छिण्ण[विपुल]बलवाहणे चाउरंतचक्कवट्टी रज्जवई राया भविस्सइ, जिणे वा तेलोक्कनायगे धम्मवरचक्कवट्टी । तं ओराला णं देवाणुप्पिया! तिसलाए खत्तियाणीए सुमिणा दिट्ठा, जाव आरोग्ग-तुट्टि-दीहाउ-कल्लाण-मंगल्लकारगा णं देवाणुप्पिया! तिसलाए खत्तियाणीए सुमिणा दिट्ठा ॥७६॥
तए णं से सिद्धत्थे राया तेसिं सुमिणलक्खणपाढगाणं अंतिए एयमटुं सोच्चा निसम्म हट्टतुट्ठ जाव हियए करयल जाव ते सुमिणलक्खणपाढए एवं वयासी ॥७७॥
एवमेयं देवाणुप्पिया ! [तहमेयं देवाणुप्पिया! अवितहमेयं देवाणुप्पिया !] इच्छियमेयं देवाणुप्पिया! पडिच्छियमेयं देवाणुप्पिया !
कल्पसूत्र
१२४
ein Education International
For Private & Personal Use Only
www.jainelibrary.org
