________________
हडे [ति] पासित्ता णं पडिबुद्धा, तं जहा-गय-उसह० गाहा ॥३२॥ ___जं रणि च णं समणे भगवं महावीरे देवाणंदाए माहणीए जालंधरसगुत्ताए कुच्छीओ तिसलाए खत्तियाणीए वासिद्धसगोत्ताए कुच्छिसि गब्भत्ताए साहरिए, तं रणि च णं सा तिसला खत्तियाणी तंसि तारिसगंसि वासघरंसि अब्भंतरओ सचित्तकम्मे बाहिरओ दूमियघट्टमटे विचित्त-उल्लोय-चित्तियतले मणिरयणपणासियंधयारे बहुसमसुविभत्त-भूमिभागे पंचवण्ण-सरस-सुरहि-मुक्कपुप्फपुंजोवयारकलिए कालागुरु-पवर-कुंदुरुक्क-तुरुक्क-डझंत-धूव-मघमघंत-गंधुद्धयाभिरामे सुगंधवरगंधिते गंधवट्टिभूते तंसि तारिसगंसि सयणिज्जंसि
CON
कल्पसूत्र
५८
For Private & Personal Use Only
www.jainelibrary.org
Jain Education International
