________________
गोम्मटेस-थुदि (1) विसट्ट - कंदोट्ट - दलाणुयारं, सुलोयणं चंद-समाण-तुण्डं ।
घोणाजियं चम्पय-पुप्प्फसोहं, तं गोम्मटेसं पणमामि णिच्चं । अच्छाय-सच्छं जलकंत-गंडं, आबाहु-दोलंत सुकण्णपासं। गइंद-सुण्डुज्जल-बाहुदण्डं, तं गोम्मटेसं पणमामि णिच्चं ।। सुकण्ठ-सोहा-जियदिव्वसंखं, हिमालयुद्दाम-विसाल-कंधं ।
सुपोक्ख-णिज्जायल-सुठ्ठमझं, तं गोम्मटेसं पणमामि णिच्चं ।। (4) विज्झायलग्गे-पविभासमाणं, सिहामणि सव्व-सुचेदियाणं ।
तिलोय-संतोलय-पुण्णचंद, तं गोम्मटेसं पणमामि णिच्वं ।। (5) लयासमक्कंत - महासरीरं, भव्वावलीलद्ध - सकप्परुक्खं ।
देविंदविंदच्चिय पायपोम्म, तं गोम्मटेसं पणमामि णिच्चं ।। (6) दियबरो यो ण च भीइ जुत्तो, ण चांबरे सत्तमणो चिसुद्धो।
सप्पादि-जंतुप्फुसदो ण कंपो, तं गोम्मटेसं पणमामि णिच्च।। (7) आसां ण सो पेक्खदि सच्छदिट्टि, सोक्खे ण बंछा हयदोसमूलं ।
विरायभावं भरहे विसल्लं, तं गोम्मटेसं पणमामि णिच्च ।। (8) उपाहिमुत्तं धण-धाम-वज्जियं, सुसम्मजुत्तं मय - मोहहारयं। वस्सेय पज्जंतमुववास - जुत्तं, तं गोम्मटेसं पणमामि णिच्च।।
-आचार्य नेमिचन्द्र सिद्धान्त चक्रवर्ती
