________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
"
મા જ કરતા
સ્વર્ગવાસ નોંધ
શેઠશ્રી સવાઈલાલ કેશવલાલ શાહ જે. પી. પ્રેસિડન્સી માજીસ્ટ્રેટ (પશ્ચિમ બંગાળ) બાસઠ વર્ષની ઉંમરે કલકત્તામાં હૃદયરોગના હુમલાથી અચાનક સ્વર્ગવાસી થતાં અમે ઘેરા શેકની દુ:ખદ લાગણી અનુભવીએ છીએ.
શેઠશ્રી સવાઈલાલભાઈ ખૂબ ધાર્મિક વૃત્તિના હતા, અને ધાર્મિક કાર્યો માટે છૂટા હાથે દાન દેતા. બિહાર રાજયના જૈન ટ્રસ્ટના મેનેજીંગ ટ્રસ્ટી તરીકે રૂપિયા એક લાખનું દાન કરીને ટ્રસ્ટને તેમણે સદ્ધર બનાવ્યું છે. ઘાટકોપર (મુંબઈ)માં ભવ્ય જિન મંદિરમાં ભગવાનની પ્રતિષ્ઠા તથા અન્ય વિધિ વિધાન અથે તેમણે લગભગ રૂપિયા અઢી લાખ ખર્ચા છે. પ. પૂ. આચાર્ય શ્રી વિજયનંદનસૂરીશ્વરજી મહારાજની નિશ્રામાં લગભગ પાંચસો જેટલા જિનબિંબની અંજનશલાકા કરાવવામાં લગભગ રૂપિયા એક લાખ ખર્યા છે. આ ઉપરાંત કલકત્તા અને જુદાં જુદાં સ્થળોએ ધામિક તેમજ સામાજિક કાર્યો માટે તેમણે સારાં દાન આપેલાં છે. તેમનાં દાનની રકમ રૂપિયા દશ લાખ ઉપર થવા જાય છે.
દાનવીર ઉપરાંત તેઓ એક બાહોશ કાર્યકર હતા. ઘણી રાષ્ટ્રીય તેમજ આંતરરાષ્ટ્રીય સંસ્થાઓમાં તેમણે પ્રમુખ, ઉપપ્રમુખ કે સભ્ય તરીકે રહીને તન, મન તથા ધનથી સુંદર સેવાઓ આપી છે.
તેમની સેવાઓની કદર રૂપે બંગાળ સરકારે તેમને જે. પી. તથા પ્રેસિડન્સી માજીસ્ટ્રેટ તરીકે તથા બિડાર સરકારે જૈન ટ્રસ્ટના મેનેજીંગ ટ્રસ્ટી તરીકે નિમણૂક કરી હતી.
આ સભાના તેઓ પેટ્રન હતા. તથા સભા મારફત સમાજને સંસ્કારી તથા શિષ્ટ સાહિત્ય મળે તે હેતુથી “શ્રી પરમાણુ'દ-કેશવ ગ્રંથમાળા” શરૂ કરી હતી.
આવા એક દાનવીર સેવાભાવી સહૃદયી સજજનના સ્વર્ગવાસથી સમાજને માટી ખાટ પડી છે. સભાએ પણ પોતાનો એક શુભેરછક ગુમાવ્યો છે. શાસનદેવ તેમના આત્માને ચિરશાંતિ આપે તેવી પ્રાર્થના કરીએ છીએ.
—મુબઈ નિવાસી ઝવેરી મોતીચંદભાઈ રૂપચંદ સ્વર્ગવાસી થયેલ છે તે જાણી અમે ઘણા જ દિલગીર થયા છીએ. તેઓશ્રી ધર્મ પ્રેમી અને મળતાવડા સ્વભાવના હતા. તેઓશ્રી આ સભાના આજીવન સભ્ય હતા. તેમના આત્માને શાશ્વત શાંતિ મળે તેવી અમે પ્રાર્થના કરીએ છીએ.
For Private And Personal Use Only
