Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
उवसग्गहरस्तोत्रसमग्रपादपूर्तिरूपं समस्या-स्तोत्रम्
कर्ता - पं. लक्ष्मीकल्लोलगणि
संग्राहक - श्रीयुत अगरचन्दजी नाहटा पणमिय सुरनरपूइयपयकमलं पुरिसपुंडरीयपासं । संथवणं भत्तिवणो भणामि भवभमणभीयमणो ।।१।। उवसग्गहरं पासं पणमह नट्ठट्ठकम्मदढपासं । रोसरिउभेयपासं विणिहियलच्छीतणयपासं ।।२।। जं जाणेइ तेलुक्कं पासं वदामि कम्मघणमुक्कं । जो झायइ ऊण सुक्कं झाणं पत्तो सिवमलुक्कं ।।३।। विसहरविसनिनासं रोगगइंदाइभयकयविणासं । मेरुगिरिसन्निकासं पूरिअआसं नमह पास ।।४।। मरगयमणिसमभासं मंगलकल्लाणआवासं । टालियभवसंतासं थुणिमो पासं गुणपयासं ।।५।। विसहरफुलिंगमंतं निच्चं मणे धरिज्जतं । कुणइ विसं उवसंतं भवियाइ मुणह निमंतं ।।६।। पयपणयदेवदणुओ कंठे धारेइ जो सया मणुओ। सो हवइ विमलतणुओ नामक्खरमंतमवि अणुओ ।।७।। तस्सग्गहरोगमारी पराभवं न य करेड विसमारी। जो तह समरणकारी संसारी पत्तभवपारी ।।८।। (पथ्यावत्तम) तस्स य सिज्झयकामं दुट्ठजरा जंति उवसामं । संथुणइ जो पकामं अभिरामं तुज्झ गुणगामं ।।९।। (उपगीति) चिट्ठउ दूरे मंतो जो ज्झायई निच्यमेव एगंतो। तुह नाम संभंतो सो जायइ लच्छिमइमंतो ।।१०।। न य उसइ दुट्ठभोइ तुज्झपणामोवि बहुफलो होइ । तुहनामेण विजोई न हवइ न पराहवइ कोई ।।११।। नरतिरिएसु वि जीवा भमंति नरएसु कायरा कीया। समियजिणसमयदीवा जेहिं तुह नामिया जीवा ।।१२।। रिद्धिं आहेवच्चं पावंति न दक्खदोगच्चं । जे तुह आणासच्चं पासंति य भावओ निच्च ।।१३।। तुह समत्ते लद्धे जीवाणं हवए सासए सिद्धे । अणुवमतेअसमिद्धे अणंत तुह नाणसंबद्धे ।।१४।। तुह सुरनरवरमहिए चिंतामणिकप्पपायवभहिए । पयकमले मलरहिए मणभसलो वसउ महसुहिए ।।१५।। पावंति अविग्घेणं जीवा जइ दुट्ठदोसबग्घेणं । न नडिझंति असिग्घेणं भवपारं विहियवग्घेणं ।।१६।। सासयसुखनिहाणं जीवा अयरामरं ठाणं । लभंति तुह पयाणं जेसिं वट्टइ मणे झाणं ।।१७।। (उपनीति) इय संथुओ महायस कित्तिं दित्तिं धिइं च मह पयत्त । वयणरस्स विजियपास निन्नासियदुरिय हयअयत ।।१८।। कलिमलमइरहिएणं भत्तिब्भरनिभरेण हियएणं। थुणिओ हियसहिएणं मइ तुम कम्मवहिएणं ।।१९।। ता देव दिज्ज बोहिं ठवेमि जम्हा पयंमि तुह गेहं । कयपावस्सयसोहि कुणसु भवारण्णभमणेहिं ।।२०।। अवगयपवयणनिस्संद भवे भवे पास जिणचंद । तुहपयपंकयमयरंद भसलत्तं भवओ महचंद ।।२१।। उवज्झाय हरिसकल्लोलसीसेणं भद्दबाहुरइयस्स । संथवणस्स समस्सा विहिया बुहाण य पसस्सा ।।२२।।
इत्युपसर्गहरस्तवाम्नायसंप्रदायगर्भादभ्रशुभ्रकत्रमंत्रविचित्रपत्रमंत्र जीयात् ।
पं. 'लक्ष्मीकल्लोल'गणिकृतं समस्यास्तोत्रम्। इस स्तोत्र की नकल हमारे संग्रह में की १७वीं शताब्दी लिखित एक हस्तलिखित प्रत से की है।
(टन सत्यप्राश - वर्ष-4, 48-१२)
For Private and Personal Use Only
| SR No. | 525274 |
| Book Title | Shrutsagar Ank 2013 01 024 |
| Original Sutra Author | N/A |
| Author | Mukeshbhai N Shah and Others |
| Publisher | Acharya Kailassagarsuri Gyanmandir Koba |
| Publication Year | 2013 |
| Total Pages | 20 |
| Language | Gujarati |
| Classification | Magazine, India_Shrutsagar, & India |
| File Size | 2 MB |