________________
बंने ठामे लग्ननी जोरदार तैयारी चाले छे. श्रेष्ठीओ बधां एक ज सहोदरानी जेम चित्तना भावथी लग्ननी सजाई करे छे. एकमतथी बधे तैयारी चाले छे. विवाह माटे मोटा सुंदर मंडपो रचाव्या छे. पंचवर्णना चंद्रुआ सुंदर शोभी रह्या छे. संध्याना समये वादळामां रंग बेरंग कलरो जेम शोभायमान थाय तेवा मंडपो शोभी रह्या हता. मंडपना चंद्रुवामां आभला शोभता हता. जाणे तारागणे धरती उपर आवी वास कर्यो होय तेवं लागतं हतं. मंडपमां झाकझमाळ मोतीओनी माळा जाणे चंद्रमानी चांदनीनो विस्तार थयो होय तेवी शोभती हती. तोरणो पवनना सुसवाटाथी हली रह्या हता. चंचळ तोरणो वरराजाने जल्दी आववानुं आमंत्रण आपी न रह्या होय तेवा दीपी रह्या हता. मोतीना साथीआ चारेबाजु पूराव्या हता. लालरत्न वृक्षमां सुंदर फळो विकसीत थयेलानी जेम वधु शोभाकारी बन्या हता.
आर्द्रकुमारना लग्न समये मांडवाना मंगलमुहूर्त करवामां आव्या. सुवर्णवर्णवाळा एवा तेमना शरीरे पीठी चोळी त्यारे ते सुंदर तन वधु देदीप्यमान बनी गयु. पूर्व दिशामां रवि उगे. तरतनो उगेला रविना सुवर्ण किरणोनी जेम कुमार- शरीर सुंदरताने धारण करतुं हतुं. बीजा कुमार ने कुमारिका ते वखते भेगा थया हता. ते बंने देव-देवी जेवा शोभता हता. बधांए शुभक्षणे मंगल स्नान कराव्यु. तेमना वाळमां अनेक सुगंधी पदार्थोथी वासित तेल माथामां नांख्यं छे. धूपनी अंदर अगरु ने कपूर नाखवाथी धूप वासित बने छे. तेम सुगंधथी आर्द्रकुमार, आलुं शरीर वासित बन्युं हतुं. बीजी बाजु वहना पक्षमां कन्याओए सुंदर वाळने शणगारी फूलनी माळाओ गोठवी हती. सहुसहुने अनुरूप बने पक्षे शृंगार धारण कर्या हता. जाणे कामदेवे बे रूप धारण कर्या होय तेवु भासतुं हतुं.
नदीमां सफेद फिणथी लावण्य विस्तार पामे छे तेम नवलखा हारथी आर्द्रकुमारनो देदार वधु शोभतो हतो. आखु अंग चंदनथी लेपेलुं हतुं. मौक्तिकथी सर्वांग शोभतुं हतुं. जेम शशी तारागणथी शोभे तेम आर्द्रकुमार शोभी रह्या हता. बे वस्त्र सुंदर पहेर्या हता. रत्नजडित मुगट मस्तके शोभे छे. विवाह मंगलना सूचक हता. जातिवंत अश्व उपर आरोहण करी मयुरनुं छत्र माथे धारण करी आर्द्रकुमार परणवा चाल्या. सोहागणनारी मंगल गाती हती. भेरी भंगल वागता हता. शरणाईओना सुर तेना शब्दथी दिशाने भरी देता हता. जुदा-जुदां वाजाना सुंदर अवाजथी आखुं गगन पूराई गयुं हतुं.
सहु जानैया मंडपे आवी ऊभा रह्या. सुहागण नार अर्थ्य आपती हती. एटले दहीं आदिनुं शुकन आपती हती. लग्ननी वेळा थई, कन्या सावधान कही तेने चोरीमां
82
