________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
[१९८]
શ્રી જૈન સત્ય પ્રકાશ
[१५३ परमुक्किट्ठा मुक्का, वट्टइ जेसिं सजोगिगुणठाणे ॥ सिरिपुंडरीयगणिणो, ते सिद्धिं दितु मम सिग्धं ॥१०॥ मुणिपणकोडीसहिओ, जत्थ गओ निव्वुई कयंबगणी॥ तं सिरिकर्यबतित्थं, संसारद्धिम्मि पोयणिहं ॥ ११ ॥ भव्वा! इच्छह मुत्ति, सिद्धिं सज्झस्स कित्तिमवि विमलं ॥ पृयं कयंबतित्थट्ठियबिंबाणं कुणह भावा ॥ १२ ॥ अंबुहिसमगंभीरं, समयासुहसंगयं सहावरयं । परभावकवियलं, कयंबवीरं सरेमि सया ॥ १३ ॥ खवगावलिजोगेणं, वित्तोडियमोहमल्लसामत्थं ॥ पणमामि कयंवगणिं, भव्वरविंदप्पमासरवि ॥ १४ ॥ कम्मक्खयाइजोगे, खितं परमं निबंधणं तित्थं ॥ तारिसगुणगणकलियं, वंदे तं तित्थहत्थिगिरिं ॥ १५ ॥ जिणवरतुल्ला . सिट्ठा, अत्तुण्णइकारणप्पहाणयरा ॥ लोयत्तयट्ठपडिमा, वंदे बहुमाणविणएणं ॥ १६ ॥ सिरिगोयमग्गिभूई, सुवाउभूई विउत्तगणणाहं ॥ दीहाउ सुधम्मगणिं, वंदे सिरिमंडिअं भावा ॥ १७ ॥ मोरियपुत्ताकंपिया-यलभाऊ पूअणिजमेअज्जं ॥ बालप्पहाससमणं, इक्कारसगणहरे वंदे ॥ १८ ॥ णिम्मलसीलविसिष्टुं, मल्लिजिणेसं जिणिंदणेमिपहुं ॥ जोगक्खेमनियाणं वंदे बहुमाणभत्तीए ॥ १९ ॥ सिरिजंबूप्पहवगणि, सुसीलसिरिथूलिभद्दयजपहुं ॥ निवकण्हबंधुधीरं, गयसुकुमालं सरेमि सया ॥ २० ॥ अइमुत्त मणगसमण, सीलविहूसियसुदंसणं वीरं ॥ जिणवाल विजयविजय, वंदे तह णागिलाणाहं ॥ २१ ॥ दोवइ सीया पउमा-बई सिवा रोहिणी सई कुतिं ।। सुगुणंजणासुभद्दा, चंदनमलयागिरिं वंदे ॥ २२ ॥ दमयंतीसीलवइं, मिगावईचंदणासुगंधारिं ॥ बंभीसुलसागोरिं, जिट्टाराईमई वंदे ॥ २३ ॥
( अपूर्ण)
For Private And Personal Use Only
