________________
होज्जम्हणं समज्जो होज्जा स-च्छन्द-गो जणो एस । ण हु होज्ज जइ पओसो ता एस जणो कहं होज्जा ॥१०१॥ होज्जइ अङ्ग-त्थम्भो सेओ होज्जाइ होज्ज रोमञ्चो । होज्जा कम्पो होइ अ वेवण्णं एण्हिमभिसरणे ॥१०२॥ होज्जहिइ इट्ठ-गोट्ठी होज्जा पिअ-मेलओ दिही होज्ज । होहिइ परमाणन्दो होज्जाहिइ चित्त-वीसामो ॥१०३॥ होज्ज किलकिंचिअं विव्वोओ होज्जाउ विब्भमो होउ । मोट्टाइअं च होज्जउ होज्जा ललिअं च अम्हाणं ॥१०४॥ होज्ज न संझा होज्जा न निसा तिमिरं पि जइ न होमाणं । ता होन्ता कह अम्हे इअ संपइ पंसुलालावो ॥१०५॥ विहसंत-पहा-हसंतओ, अह उइओ चंदो कुणंतओ । उवहसमाणिं सरोरुहं, विहसंति हसई व कुमुइणि ॥१०६॥
॥ इति पञ्चमः सर्गः ॥
