________________
२. दाणविलम्बोवरिं जुहुट्ठिलभीमसेणाणं कहा 'दाणधम्मस्स वेलाए, विलंबं न समायरे ।'
कल्ले दाणं पयच्छिस्सं, जुहुट्ठिलवयं जहा ॥९॥ जुट्टिलमहानरिंदो मज्झण्हं जाव पइदिणं दाणं देइ । एगया को वि निद्धणो माहणो बहुदूराओ आगच्च जुहुट्ठिलदाणसालाए समत्तपाए मज्झण्हसमए पविट्ठो।। पंचेव पंडवा दाणसालाए विज्जति । तया धम्मपुत्तेण माहणस्स उत्तं- "कल्ले दाहिमि" । एवं सोच्चा निरासो बंभणो गओ । तया भीमसेणेण चिंतिअं- 'न जुत्तो दाणे विलंबो तम्हा महारायं बोहिमि', इअ चिंतिऊण सिग्धं तओ उद्याय आउहसालाए गओ । तत्थ एगा विजयढक्का अत्थि । जया को वि देसो जिणिज्जइ, तया सा वाइज्जइ । वाइज्जमाणाए ढक्काए पउरेहिं जाणिज्जइ, अज्ज कोवि देसो पंडवेहिं जिओ । भीमसेणो वि सयं तं ढक्कं महादंडेण वाइउं लग्गो । तया तीए ढक्काए महागज्जणारवो पउरेहिं सुओ । जुहुट्ठिलेणाऽवि सुणिओ । सो चिंतेइ'अज्ज ढक्कं को किमत्थं वाएइ?' । पासत्थिअं नरं पुच्छइ । सो नरो निरिक्खिण आगओ समाणो नरिंदं कहेइ- “हे महाराय ! अज्ज भीमसेणभाया विजयढक्कं वाएइ" ।
धम्मपुत्तो भीमसेणं बोल्लाविऊण पुच्छइ- “हे भायर ! अज्ज को अउव्वो देसो केण विजिओ, जेण सयं तुं विजयढक्कं वाएसि?" । भीमसेणेण उत्तं - "हे महाराय ! तित्थंकरहिं केवलीहिं जोगीहिं महारिसीहिं च जो कया वि न जिओ, सो अज्ज जिओ, तेण इमा विजयढक्का मए वाइज्जइ' । धम्मपुत्तेण पुढे "किं तए जिअं?" । भीमसेणो कहेइ- "निब्बलस्स मम अजेअं तं जेउं सत्ती नत्थि" पुणरवि पुटुं - "तो केण जिअं?" । भीमसेणो कहेइ - "हे महाराय ! तुमए सो विजिओ" । जुहुट्ठिलो पुच्छइ - "कया मए जिओ" ? । भीमसेणो कहेइ - "अज्ज अहुणा य । जया सो माहणो एत्थ आगओ, तया सो भवंतेण उत्तो – “कल्ले दाइस्सं" । तओ नज्जइ एगदिणं जाव भवंतेण कालस्स विजओ कओ। पुव्वं केण वि महापुरिसेण कालो न जिओ, तए पुणो सो जिओ । तेण अच्छेरजुत्तेण मया ढक्का वाइआ" ।
नीइसत्थे वि कहिअं- "जंकल्ले कायव्वं तं अज्ज करणिज्जं, जं अज्ज सायंतणे कायव्वं, तं मज्झण्हे करणीयं, जं मज्झण्हे करणिज्जं, तं अहुणच्चिय -
११६
Jain Education International 2010_04
For Private & Personal Use Only
www.jainelibrary.org
